San Mateo 13:22 - Bible in Tzeltal de Oxchuc y Tenejapa

²² In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

Nuevo Testamento Tzeltal de Amatenango

²² Te tsꞌunubil te kꞌot ta yolil chꞌixetik pajal kꞌoem sok te machꞌatik ya yaꞌiyik te skꞌop Diose, pero te tutik skuenta balmilal jaꞌ ya smak sbaik a. Te slekil te kꞌulejalile jaꞌ ya xloꞌlaylanot yuꞌun. Spisil to ya xkꞌot ta skuentaik ya smuk te skꞌop Diose, jich ma xyakꞌ sitinuk.

Bible in Tzeltal Bachajón

²² Te ts'unubil te c'oht ta yohlil ch'ixileltic, ha sc'oblal te mach'a ya ya'iy te c'op, pero te bin ya xbaht ta yo'tan sna'el te bintic ay ta bahlumilal soc te lo'loyel yu'un te c'uhlejalil ya stenic te c'ope, ma ba ya yac' sitinuc.

San Mateo 13:22 Referans Kwoze

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Lucas 12:15

Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

2 Timoteo 4:10

Melel te Demase, la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito bajt'ix ta sq'uinal Dalmacia.

San Mateo 13:7

Soc ay c'ot ta bay yolil ch'ixtiquil. Toy moel ta ch'iel te ch'ixetique. Jc'axel tenbil c'ot te awalile.

San Lucas 12:21

Ya calbeyex te jich ya xc'ot te mach'a ja' nax ya xbajt' ta yo'tan stsobel te sc'ulejal ya xtuun yu'un stuquele, soc te ma'yuc sc'ulejal ya xc'ot ta stojol te Diose —xi' te Jesuse.

Salmos 52:7

“Ila awilic te mach'a ma la sle canantayel yu'un te Diose, ja' te mach'a yich'oj ta muc' te bayal sc'ulejale, soc ja' la smulan spasel te bila amen ta pasele”, xiic.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Jeremías 4:3

Te Cajwaltic jich ya yalbey te ants-winiquetic ta Judá soc Jerusalén: —C'altayaic te q'uinal te ma c'altaybiluque; ma ba ya awaiyiquix ts'unbajel ta yolil ch'ixtiquil.

Proverbios 11:28

Te mach'a ja' smuc'ulinej yo'tan te sc'ulejale, jich ya xch'ay te bit'il ya xlubaj coel yabenal te'; yan te mach'a toj yo'tane, jich ya xyaxub te bit'il sc'ab te'.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Hechos 8:18

C'alal la yil te Simón te ac'bot yiq'uic ta yo'tanic te Ch'ul Espíritu ta swenta bit'il te jpuc-c'opetic la scajanic sc'abic ta sjolic te jnopojeletique, jich c'an yac' taq'uin yu'un.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Proverbios 23:5

Yacuc atsajtay awil ta lec, ya me awil te ya xch'ay bael te c'ulejalile; jich c'oem te bit'il ya xloc' xic', melel ora nax ya xbajt' ta wilel jichuc águila.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

San Mateo 13:39

Te cajcontro te la sts'un te cizaña-aque ja' te pucuje. Te yorail te ya yich' tsobele, ja' te slajibal c'aale. Te j'at'eletique, ja' te ch'ul abatetique.

San Mateo 13:40

Te cizaña-ac te ya yich' tsobele soc te ya yich' chiq'uel ta c'ajq'ue, jich me ya xc'ot ta pasel ta slajibal c'aal.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

1 Corintios 1:20

¿Banti ay te mach'a ay sp'ijile? ¿Soc banti ay te jts'ibojome? ¿Soc banti ay te mach'a ya sna' yalel te bitic ay li' ta balumilale? ¿Ma bal jowil c'opuc nax c'oem yu'un Dios spisil te p'ijil c'op te ay ta balumilale?

1 Corintios 2:6

Ja'uc me to, ay nax ya caltic p'ijil c'op ta stojol te mach'atic ayix yip yo'tanique. Te p'ijil c'op te ya cale, ma ja'uc swenta in balumilal to soc ma ja'uc ta swenta te ajwaliletic yu'un balumilal te ya xch'ayic c'axel ta spisilique.

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.