San Mateo 13:20 - Bible in Tzeltal de Oxchuc y Tenejapa

²⁰ In te awalil te c'ot ta ba tontiquile, ja' sc'oplal te mach'a ya yaiy stojol te Sc'op Diose, bin nax yo'tan ya xch'uun ta ora.

Nuevo Testamento Tzeltal de Amatenango

²⁰ Te tsꞌunubil te kꞌot ta yolil tonetik pajal kꞌoem sok te machꞌatik ya yaꞌiyik te skꞌop Dios y ben gusto ya skꞌanik.

Bible in Tzeltal Bachajón

²⁰ Te ts'unubil te c'oht ta ba tontiquil, ha sc'oblal te mach'a ya ya'iy te c'op soc tse'el yo'tan yu'un ta ora,

San Mateo 13:20 Referans Kwoze

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Marcos 6:20

Ja'uc me to, te Herodese la xi' te Juane, yu'un sna'oj stojol te toj ta winiquile soc te ma'yuc mulil ta yo'tane. Jich yu'un la yac' ta canantayel ta lec swenta yu'un ma xtaot ta milel. Te ajwalile bayal bila ma c'ot ta yo'tan te bila albot yu'un te Juane, ja'uc me to, la smulan te la yaiy stojole.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

2 Crónicas 24:2

Te yat'el Joás toj la spas ta sit Cajwaltic te c'alal cuxul to a te sacerdote Joiada.

Hechos 8:13

Ja' nix jich uuc te Simone, la xch'uun soc ac'bot yich' ja' uuc. Spisil ora la sjoin te Felipee. Jchajp nax q'uinal la yaiy yu'un te jchajp at'eliletic soc te muc' señailetic la spas te Felipee.

2 Crónicas 24:14

C'alal ju' yu'unic te at'ele, la yich'beyic bael ta stojol te muc' ajwalil soc Joiada te taq'uin la spas sobraile. Jich la yaq'uic ta pasel a te bitic ya xtuun ta templo ta ch'uunel a te Cajwaltique: ja' te bitic ya xtuun ta spasel te smajt'an Cajwaltic te scojt'ol ya yich' chiq'uel, te muc'ul cucharaetic soc yantic biluquetic te pasbilic ta oro soc ta plata. Te c'alal cuxul to a te Joiada, spisil ora ay ta yaq'uel ta templo te milbil smajt'an Dios te scojt'ol ya yich' chiq'uele.

2 Crónicas 24:6

Jich yu'un te muc' ajwalil la yic' tel te muc' sacerdote Joiada, jich la yalbey: —¿Bi yu'un ma'yuc sc'oplal ta awo'tan te yacuc yich'ic tel levitaetic ta Judá soc ta Jerusalén te spatanic, jich te bit'il la yal mandal Moisés te yabat Cajwaltic ta stojol spisil te israeletic te ya yac' spatanic yu'un te Nailpac' yu'un te trato? —xi' te muc' ajwalile.

San Mateo 7:8

Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Mateo 13:19

Te mach'a ya yaiy stojol te bit'il ay ta ajwalinel te Diose, soc te ma xc'ot ta yo'tane, jich c'oem te bit'il awalil te c'ot ta bee. Ya xtal te pucuje, ya sloq'uesbey ta yo'tan te bila la yaiy stojole.

San Mateo 13:21

Ja'uc me to, ma ismajemuc ta yo'tan te bila la yaiy stojole. Teme tal woclajel soc uts'inel ta stojol ta scaj te Sc'op Diose, ya xchebaj yo'tan ta ora yu'un.