San Mateo 13:19 - Bible in Tzeltal de Oxchuc y Tenejapa

¹⁹ Te mach'a ya yaiy stojol te bit'il ay ta ajwalinel te Diose, soc te ma xc'ot ta yo'tane, jich c'oem te bit'il awalil te c'ot ta bee. Ya xtal te pucuje, ya sloq'uesbey ta yo'tan te bila la yaiy stojole.

Nuevo Testamento Tzeltal de Amatenango

¹⁹ Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

Bible in Tzeltal Bachajón

¹⁹ Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

San Mateo 13:19 Referans Kwoze

San Mateo 13:38

In te q'uinale, ja' swolol te balumilale. Te lequil awalile, ja' te alnich'anetic yajwalinejic te Dios te ay ta ch'ulchane. Te cizaña-ac ja' te mach'atic yajwalinejic te pucuje.

Hebreos 2:1

Jich yu'un ya sc'an te c'axem to xan ya quich'tic ta muc' te bila caiyojtiquix stojole. Ma me xquijq'uitaytic jilel te bee.

1 Juan 5:18

Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

2 Tesalonicenses 2:12

swenta yu'un jich me ya x'ac'otic ta castigo spisilic te mach'atic ma la sc'an xch'uunic te smelelil c'ope, soc te ja' bin nax yo'tanic yu'un te bila ma stojiluque.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Romanos 2:8

Yan te mach'atic toybaetique, ya me x'ac'bot castigo soc yilimba Dios, yu'un ma xch'uunic te smelelil c'ope, soc te ja' nax baem ta yo'tanic spasel te bila ma lecuque.

Hechos 28:23

Jich la xchapic te bi c'aalil ya xtal yaiyic stojole. C'alal la sta sc'aalelal, tsobol ta jtul tal stsob sbaic tey a ta banti smajanej na te Pabloe. Sab to jajch' ta c'op, ja' to c'alal malix a te c'aale. Ja' la xcholbey yaiyic te bit'il ay ta ajwalinel te Diose. Yu'un yo'tanuc ya yac' xch'uunic Jesús ta swenta te bila ts'ibubil jilel sc'oplal ta bay te mandalil yu'un te Moisese soc ta bay sjun te j'alwanejetique.

Hechos 20:25

“Ta ora to, jna'oj stojol te bit'il ma ba ya awilbonic xan jsit te ja'exe soc te banti beenon ta yalel te bit'il ay ta ajwalinel te Diose.

Hechos 18:15

Yan te bit'il swenta nax c'opetic soc biililetic soc te mandalil awu'unique, chajbana atuquelic, yu'un ma jc'an cac' jba ta juez ta xchajbanel in aiyejetic to —xi'.

Hechos 17:32

Te c'alal la yaiyic stojol te ya xcha'cuxic te animaetique, ay cajic ta labanwanej yu'un. Soc yantic la yalic: —Yan to buelta ya caiytic xan stojol te bila ya awale —xiic.

San Juan 18:38

La yal te Pilatoe: —¿Bila a te melele? —xi'. C'alal laj yo'tan ta yalel in to te Pilatoe, loc' bael ta sc'oponel xan te judioetique. Jich la yalbey yaiyic: —Xujt' ma'yuc smul la jtabey te winique.

San Juan 8:43

¿Bi yu'un te ma xc'ot ta awo'tanic te bila ya calbeyexe? Yu'un ma x'ac'an awaiybonic stojol te jc'ope.

San Lucas 10:9

Lamantesbeya xchamelic te jich yipal jchameletic ya ataic tey a. Soc jich me xawalbey yaiyic: “Nopol ya xjajch'ix ta atojolic te bit'il ay ta ajwalinel te Diose”, xaex me.

San Lucas 9:2

La sticun bael ta xcholel te bit'il ay ta ajwalinel te Diose soc ta slamantesel jchameletic.

San Marcos 4:15

Te awalil te c'ot ta bee, ja' pajal c'oem soc te mach'atic ya yaiyic stojol te sc'op Diose, ja'uc me to, laj nax yo'tanic ta yaiyel stojol a, ya xtal te Satanase. Jich ya sloq'uesbey ta yo'tanic te sc'op Dios te la yich' awel ta yo'tanique.

San Mateo 5:37

Te c'alal ya awalic: “Yac”, teme xaexe, yu'unix jich abi. “Ju'u”, teme xaexe, yu'unix jich abi. Yan teme c'ax jich te bila ya awalique, ja' me mulil abi.

Proverbios 17:16

¿Bi yu'un ya yich' tel taq'uin ta sc'ab te mach'a ma sna' q'uinal te ya sman p'ijilil ta sc'op a, te bit'il ma xju' yu'un snopele?

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

Ezequiel 31:18

Ma'yuc junuc te'etic ta Edén pajal soc ta swenta smuc'ul soc ta swenta stoyolil. Pero pajal me ya xco bael soc yantic te'etic yu'un Edén tey ta lum ta ye'tal balumilale, swenta yu'un ya me sjoin ta nainel c'oem yantic mach'atic ma ba xch'uunejic Dios, soc nix te mach'atic lajic ta guerra. Te muc'ul te'e, ja'at me faraón soc ta spisil te alumale. Jo'on Ajwalilon te jich caloje”, uta me —xi' te Cajwaltique.

San Mateo 12:26

Ja' nanix jich, ¿ya bal xju' ya sloq'ues sba stuquel te Satanase? Te jichuc ya spase, ja' nax scontroinej sba abi. ¿Bit'il c'an jalajuc ta at'el te jichuque?

San Mateo 13:20

In te awalil te c'ot ta ba tontiquile, ja' sc'oplal te mach'a ya yaiy stojol te Sc'op Diose, bin nax yo'tan ya xch'uun ta ora.