San Mateo 13:15 - Bible in Tzeltal de Oxchuc y Tenejapa

¹⁵ Te melel c'ax pimix yo'tanic te alumale. Ma xc'ot ta xchiquinic te c'ope. Smuts'oj sitic, yu'un ma sc'an yilic ta sitic, soc ma sc'an yaiyic stojol c'op ta xchiquinic, soc ma sc'anic te ya xc'ot ta yo'tanique, soc ma sc'an sujt'es yo'tanic ta jtojol, jich ma ba ya staic coltayel cu'un”, xi' te Diose.

Nuevo Testamento Tzeltal de Amatenango

¹⁵ Yuꞌun kꞌax tulanix yoꞌtanik te gente to. Wokol ya xkꞌot ta xchikinik te kꞌope. Smutsꞌoj sitik yuꞌun ma skꞌan yilik ta sitik, sok ma skꞌan yaꞌibeyik sluwar kꞌop ta xchikinik, sok ma xkꞌot ta yoꞌtanik. Sok ma skꞌan sujtes yoꞌtanik ta jtojol, yuꞌun ma skꞌanik koltayel kuꞌun”, xchi te Diose.

Bible in Tzeltal Bachajón

¹⁵ como tonoben yo'tanic ha'i pueblo ini, wocol ya x'och c'op ta schiquinic, soc smuts'oj sitic; scuenta yu'un ma ba ya yilic ta sitic, ma ba ya ya'iyic ta schiquinic, ma ba ya xc'oht ta yo'tanic, soc ma ba ya suhtes yo'tanic, te ya jlecubtes te hichuque, te xchihe.

San Mateo 13:15 Referans Kwoze

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

San Marcos 4:12

swenta yu'un jayebuc te ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic. Jich ma ba ya sujt'es yo'tanic soc ma spasbotic perdón yu'un te smulique —xi' te Jesuse.

Zacarías 7:11

Pero te ants-winiquetic ma ba la sc'an xch'uunic. La swalac'patiyic te Diose, jich la spas sbaic te bit'il ma x'och c'op ta xchiquinique.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Jeremías 17:14

Lamantesbonix jwocol, Cajwal, jich me ya xlamaj; coltayawon ja'at, jich me ya xcolon. Melel ja'at nax atuquel te ya calbat lec ac'oplal.

Hebreos 5:11

Ay bayal bila ya sc'an ya calbeyex sc'oplal in aiyej to, ja'uc me to, wocol ta alel ta atojolic, melel ch'ajubenexix ta yaiyel stojol.

2 Timoteo 4:4

Ya yijq'uitayic ta aiyel stojol te smelelil c'ope. Ja' ya xbajt' ta yo'tanic yaiyel stojol te jontol c'op aiyejetique.

Hechos 7:57

Ja'uc me to, la smac xchiquinic soc tulan awunic yu'un. Spisilic la sjumtayic ta tsaquel ta ora te Estebane.

Salmos 119:70

Ma sna'ic q'uinal ta jyalel stuquelic, te jo'one bin nax co'tan yu'un te p'ijubtesel awu'une.

Apocalipsis 22:2

soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Oseas 14:4

Ya yal te Cajwaltique: —Ya jpoxtaybey te stoybaile; ya jc'uxtay manchuc me ma jichuc ya sc'an pasbeyel; la jq'uejix bael ta stojolic te quilimbae.

Jeremías 33:6

Ja'uc me to ya jpoxtay, ya cac' lecubuc q'uinal yaiyic, soc ya me cac' yaiybeyic yutsilal ta lec te lamal-o'tanil, soc ya me cac' te jun yo'tanique.

Isaías 57:18

Quilojbeyix te yat'ele, ja'uc me to, ya me jlamantesbey xchamel. Ya me cac'beyix xcux yo'tan; jc'axel ya cac'bey lamajuc yo'tan. Ya jmuc'tesbey q'uinal yaiyic te mach'atic smeloj yo'tanic.

Isaías 44:20

Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.

Jeremías 3:22

Sujt'anic tel ta jtojol, ja'ex te toyba alnich'anexe; jo'on ya jch'aybeyex te atoybailique —xi' te Cajwaltique. Jich ya yalic te israeletique: —Li' ayotic to, ya sujt'otic tel ta atojol, melel ja'at Cajwalticat te Diosat cu'untique.

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

San Lucas 19:42

Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

Hechos 28:27

Melel te yo'tanic te lume, pimuben ta jc'axel; wocol ya sc'an ya yaiyic stojol ta xchiquinic. Smuts'oj sitic, yu'un ma sc'an yilic ta sitic. Soc ma sc'an yaiyic stojol c'op ta xchiquinic, soc ma xyac' te ya xc'ot ta yo'tanique. Soc ma sc'an sujt'es yo'tanic ta jtojol te ya jlamantesbey xchamelic, xi' te Diose”, te xie.

Proverbios 16:30

Ya smuts'-sitaywan te mach'a ya snop spasel te bila ma lecuque; soc ya spasbey seña ta ye te mach'a c'otix ta pasel yu'une.