San Mateo 13:12 - Bible in Tzeltal de Oxchuc y Tenejapa

¹² Melel te mach'a ay bila ay yu'une, ya x'ac'bot xan sjoy. Jich me ay bayal bila ay yu'un ya xc'ot. Yan te mach'a ma'yuc bi ay yu'une, ya xpojbot te bila yich'oj jtebuque.

Nuevo Testamento Tzeltal de Amatenango

¹² Jich te machꞌa ay tut ay yuꞌune, ya xꞌaꞌbot xan soy, jich me bayal tut ay yuꞌun ya xkꞌot. Yan te machꞌa maꞌyuk tut ay yuꞌune, ya xpojbot te tut ay yichꞌoj chꞌinuke.

Bible in Tzeltal Bachajón

¹² como mach'ayuc a te ay bin ay yu'un, ya x'a'bot xan yan, hich me ay xan yan yu'un a. Pero te mach'a mayuc bin ay yu'un, ya me yich' pojbeyel te bin ay to nix yu'une.

San Mateo 13:12 Referans Kwoze

San Mateo 25:29

Melel te mach'a ay bila yich'oje, ya me x'ac'bot xan. Jich me c'ax bayal bila yich'oj ya xc'ot. Yan te mach'a ma x'at'ej soque, ya me xpojbot te bila yich'oj jtebuque.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

Apocalipsis 2:5

Juluc me ta awo'tan te banti ch'ayemate. Sujt'esa me awo'tan yu'un. Pasa me xan te bit'il nix ay awat'el ta neelal toe. Teme ma xapase, ya me xtalon ta ora ta atojol, ya me jloq'uesbat te xtuchtijib c'ajc' awu'un ta ba ay te yawile, teme ma ba ya asujt'es awo'tane.

San Lucas 16:25

“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

San Lucas 16:2

Jich te jc'ulej-winique la sticun ta iq'uel te mayordomoe. Jich la yalbey: “¿Melel bal te ac'oplal yacon ta yaiyel stojole? Tsobonix jilel spisil te awat'el ta mayordomoil, yu'un ma xju'ix te ya awentainbon xan te jbiluque”, la yut.

San Lucas 10:42

Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

San Lucas 9:26

Teme ya xq'uexawex cu'un, soc ya xq'uexawex yu'un te jc'ope, te Nich'anile, ya me xq'uexaw awu'unic uuc te c'alal ya xtal soc yutsilal te State soc te ch'ul abatetique.

San Marcos 12:9

“¿Bila ya spas te yajwal ts'usubiltique? Ya calbeyex te ya me xtal smil jilel te j'at'eletique soc ay me yan j'at'eletic ya yac'bey swentainic.

San Lucas 12:48

Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

Santiago 4:6

Bayal yutsil yo'tan cu'untic te Diose. Jich te bit'il ts'ibubil jilel ta Sjun te Diose: “Dios scontroinej te mach'atic stoyoj sbaique, yan te mach'atic peq'uel yac'oj sbaique ya xc'uxtay stuquel”, te xie.