San Mateo 12:7 - Bible in Tzeltal de Oxchuc y Tenejapa

⁷ Te ja'exe ma ba ana'ojbeyic swentail te bila ts'ibubil ta Sjun te Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Te yu'unuc ana'ojbeyic swentaile, ma ba la alebeyic smul te mach'atic ma'yuc smulic te jichuque.

Nuevo Testamento Tzeltal de Amatenango

⁷ Te jaꞌexe ma anaꞌojbeyikuk sluwaril te tut tsꞌibabil ta Sjun te Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil majtane”, xchi me. Te yuꞌunuk ya anaꞌbeyik sluwarile, makꞌ ya alebeyik smul te machꞌatik maꞌyuk smulik te jichuke.

Bible in Tzeltal Bachajón

⁷ Te ha'uc la ana'beyic scuentahil te hich ya yal: Ha ya jc'an te yac awa'iyic c'uxultaywanej, ma ha'uc ya jc'an milbil mahtaniletic, te xchihe, ma ba yac atojol-lehbeyic smul te mach'atic mayuc smulic te hichuque.

San Mateo 12:7 Referans Kwoze

Oseas 6:6

Te bila ya jc'anbeyex te ja'exe, ja' te c'uxucon ta awo'tanique, te ma ja'uc ya apasbonic te milbil majt'anile. Ja' ya jc'an te ya ana'bonic jba jo'on te Diosone, ma ja'uc te ya awac'bonic chic'bil majt'anile.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Proverbios 17:15

Teme ya yich' aq'uel ta libre te mach'a ay smul, soc teme ya x'ac'ot ta lajel te mach'a ma'yuc smule, ta xchebal yilayej te Cajwaltique.

Hechos 13:27

Melel te mach'atic ayic ta lum Jerusalén soc te jwolwanejetic yu'unique, ma la sna'ic teme ja' Jcoltaywanej cu'untic te Jesuse, soc ma ba c'oem ta yo'tanic te bila yalojic te j'alwanejetic yu'un te Diose, te ya yich' alel ta sinagogaetic ta jujun sc'aalelal te cux-o'tane. Jich c'ot ta pasel ta swentaic te la yaq'uic ta lajel te Jesuse.

San Mateo 22:29

Te Jesús la yalbey yaiyic: —Jowejemex ta c'op, yu'un ma ba c'oem ta awo'tanic te bila ts'ibubil jilel ta Sjun te Diose soc te bit'il ay yu'el te Diose.

Salmos 94:21

Ya xchajbanbeyic sc'oplal te mach'a ma'yuc bila amen spasoj, ya yaq'uic bael ta lajele.

Santiago 5:6

La alebey smulic te mach'atic ma'yuc smulique soc la awaq'uix ta lajel, ja'uc me to, te mach'atic ma'yuc smulique ma ba la scoltay sbaic ta c'op stuquelic.

Salmos 109:31

Melel ja' ya xc'opoj yu'un te me'ba, soc ya me scoltay ta sc'ab te mach'atic ya xmilot yu'une.

Job 32:3

Soc ja' nix jich ilin ta stojolic te oxtul te mach'a jun yo'tan sba soc Job, melel te bit'il ma ba ju' yu'unic sujt'esel te sc'ope, ja' la yaiy a te Eliú te ma ba ju' yu'unic scoltayel ta c'op te Diose.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

San Marcos 12:33

Soc te bit'il c'ux me ya caiytic ta spisil co'tantic, soc spisil jp'ijiltic, soc spisil te quiptique; soc te bit'il c'ux me ya caiytic te jpat-jxujc'tique jich te bit'il c'ux ya caiy jbajtic jtuqueltique. Ja' c'ax muc' sc'oplal ta pasel stuquel a te bit'il ya cac'beytic smajt'an te Diose soc spisil smajt'an te ya yich' chiq'uel ta bay xchic'jibal te smajt'ane —xi' te winique.

Josué 5:5

Ja'ic ta spisilic te loq'uic tel ta Egipto yich'ojic circuncisión stuquelic; ja'uc me to, ay ayinic tel ta be ta jochol taquin q'uinal te mach'atic ma ba yich'ojic circuncisión.