San Mateo 12:46 - Bible in Tzeltal de Oxchuc y Tenejapa

⁴⁶ Te Jesús yac to ta c'op ta stojol a te ants-winiquetique, tal te sme'e soc te yijts'inabe. Teq'uelic julel ta amac', ya sc'an sc'oponic te Jesuse. [

Nuevo Testamento Tzeltal de Amatenango

⁴⁶ Te Jesuse yipal to ta kꞌop ta stojol a te bayal genteetike te tal te smeꞌe sok te yijtsꞌinabe. Tekꞌatik jul ta amakꞌ, ya skꞌan ya skꞌoponik te Jesuse.

Bible in Tzeltal Bachajón

⁴⁶ C'alal hich yac ta yalbeyel a te ants-winiquetic, tec'ajtic hulel ta fuera te snan soc te yihts'inab, yo'tanuc ya sjuquic ta c'op.

San Mateo 12:46 Referans Kwoze

San Mateo 13:55

¿Ma bal ja'uc snich'an te carpinteroe? ¿Soc ma bal ja'uc sme' te Mariae? ¿Soc ma bal ja'uc yijts'inab te Jacoboe, te Joseje, te Simone, soc te Judase?

San Juan 2:12

Patil co bael ta Capernaúm te Jesuse. Joinot bael yu'un te sme'e soc te yijts'inabe soc uuc te jnopojeletic yu'une. Ma ba bayal c'aal jalajic tey a.

San Juan 7:5

Yu'un ma ba xch'uunejic Jesús uuc te yijts'inabe.

San Juan 7:3

Te yijts'inabe jich caj yalbeyic te Jesuse: —Loc'an bael li'to. Baan ta sq'uinal Judea. Jich me ya yil te jnopojeletic awu'un te bila ya apase.

Hechos 1:14

Spisilic jun nax la stsobilay sbaic ta sc'oponel Dios soc te yijts'inab Jesús, soc te Mariae te sme' te Jesuse, soc te yantic antsetique.

San Marcos 6:3

¿Ma bal ja'uc te jcarpintero te yal te Mariae? Soc ja' yijts'inab te Jacobo, te Joseje te Judase soc te Simone. Soc ja' sjoy ta alatayel uuc te antsetic te ayic ta coliltique —xiic. Jich bolob yo'tanic ta stojol.

Gálatas 1:19

Ja'uc me to, ma'yuc yantic jpuc-c'opetic te la quilbey site, ja' nax te Jacobo te yijts'in te Cajwaltique.

1 Corintios 9:5

¿Yu'un bal ma'yuc ta jwenta yinaminel jtul ants te xch'uunej Dios te jichuque, jich bit'il te yantic jpuc-c'opetique soc te yijts'inab te Cajwaltique soc uuc te Pedroe?

San Juan 7:10

Te c'alal bajt'iquix a te yijts'inab te Jesuse, patil bajt' ta q'uin uuc. Swenta muquen te bit'il bajt'e, ma la yac' sba ta ilel ta comonsitil.

San Lucas 2:48

Te sme'-state yan nax q'uinal la yaiyic yu'un te c'alal la yilique. La yal te sme'e: —Querem, ¿bistuc jich la apasbotic? Bayal ayon ta mel-o'tan ta jlebelat soc te atate —xi'.

San Lucas 8:10

Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

San Marcos 2:21

“Ma'yuc mach'a ya spac'antay ta ach' pac' te pocol c'u'ile, melel te ach' paq'ue ya x'ojts'. Jich ya xch'i' yu'un te pocol c'u'ile. Jich c'ax muc' ya xc'ot xan a te xch'i'benale.

San Juan 2:5

Ja'uc me to, te sme' te Jesuse ba yalbey yaiyic te abatetique: —Ya me apasic spisil te bi ya yalbeyexe —xi'.

San Lucas 2:33

Te José soc te sme' te Jesuse, yan nax q'uinal la yaiyic yu'un te bila la yal te Simeón ta swenta te alale.

San Juan 2:1

Yoxebalix c'aal ta patil a te la spasic q'uin nujbinel ta banti lum Caná te ay ta sq'uinal Galilea. Tey ay uuc a te sme' te Jesuse,

San Lucas 2:51

Te querem Jesús la sjoinic sujt'el ta Nazaret. Jun yo'tan la xch'uun mandal ta stojolic. Te sme'e la sna'ulay ta yo'tan spisil te bila c'ot ta pasele.

San Mateo 2:20

—Jajch'an, ic'a bael te alale soc te sme'e. Sujt'an bael ta sq'uinal Israel, yu'un lajemiquix te mach'atic c'an smilic te alale —xi'.

San Mateo 2:11

Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

San Mateo 1:18

Te bit'il ayin te Jesucristoe, jich ay: Te sme'e, ja' te Mariae, chapalix te ya xnujbin soc te Joseje. Ja'uc me to, ma to bay yic'oj sbaic a, chicanix te yic'ojix alal ta swenta te Ch'ul Espiritue.

San Juan 19:25

Ta bay yanil scruz tey teq'uelic a te sme' te Jesuse, soc te yijts'in te sme'e, soc te María te yinam Cleofase, soc te María Magdalenae.

San Lucas 1:43

¿Bit'il ay a te ja'at tal awilon te sme'at te Cajwale?

San Mateo 12:47

Ay mach'a la yalbey yaiy te Jesuse: —Te ame'e soc te awijts'inabe teq'uelic ta amac'. Ya sc'an sc'oponat —xi'.]

San Lucas 2:34

Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.