San Mateo 12:44 - Bible in Tzeltal de Oxchuc y Tenejapa

⁴⁴ Jich ya xjajch' yal: “Ya me sujt'on bael ta jna te banti loq'uemon tele”, xi'. Te c'alal ya xc'ot tey a, jochol ya xc'o stabey yo'tan te ants-winique, jich bit'il na te ma'yuc yajwal te mesbil soc te chajbanbil ta leque.

Nuevo Testamento Tzeltal de Amatenango

⁴⁴ “Ya sujton bael ta jna te ba lokꞌon tale”, xchi. Te kꞌalal sujt bael teꞌae, jochol ya xkꞌo stabey te yoꞌtan te gentee, jich tutꞌil na te lek mesbil sok lek chapbile.

Bible in Tzeltal Bachajón

⁴⁴ Ha yu'un ya yal: Ya suhton bahel ta jna te banti loq'uemon tal, xchi. C'alal ya xc'oht tey a, jochol, buen mesbil soc buen ch'albil a ya xhul sta.

San Mateo 12:44 Referans Kwoze

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

1 Corintios 11:19

Chican ta jamal te puersa ma junuc awo'tan abaique, swenta yu'un tey ya xchicnaj ta jamal a te mach'a lec yo'tan Dios yu'une.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

San Juan 13:27

C'alal la stsac te Judase, och Satanás ta yo'tan ta ora. Te Jesús la yalbey: —Te bila ya apase, pasa me ta ora —la yut.

San Juan 13:2

Och pucuj ta yo'tan te Judas te snich'an Simón Iscariote, albot ta yo'tan te bit'il ya yac' ta c'abal te Jesuse. Te Jesús ay ta yo'tan te talem ta stojol Dios, soc te ya sujt' bael ta stojol Dios, soc te bit'il spisil ac'bilix ta sc'ab yu'un te State. Jich yu'un te c'alal yac ta we'el ta mesa, la stejc'an sba jajch'el. La sloq'ues sc'u', soc la xchuc toalla ta xch'ujt'.

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

San Mateo 12:29

“Melel teme ay mach'a yo'tan ya yochintaybey sna te c'ajc'al winique, neel ya sc'an ya sc'ol ta chuquel. Patil ya xju' ya yelc'anbey te sbiluque.

Oseas 7:6

Ya xchajbanbeyic yo'tan swenta sjajch'esel c'op, jich bit'il ya yich' chajbanel sc'aal te hornoe; manchuc me ya xway sjunal ajc'ubal te yajwal horno, ja'uc me to, ma xch'ay te sc'aal c'alal ta sab.

San Mateo 12:43

“C'alal ya xloc' ta yo'tan ants-winic te pucuje, ya xbeen ta taquin q'uinaletic yu'un ya sle te banti ya yich' lewae, ja'uc me to, ma sta.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

San Lucas 11:25

Te c'alal ya xc'ot tey a, jich ya xc'o stabey yo'tan te ants-winic te bit'il na te mesbil soc te chajbanbil ta leque.