San Mateo 12:42 - Bible in Tzeltal de Oxchuc y Tenejapa

⁴² Soc tey me ay uuc a te antsil muc' ajwalil te ay smaquen-q'uinal ta stojol sur. Ja' me ya yalbey smulic uuc te mach'atic cuxulic ta q'uinal ta ora to, melel c'ubul tal ta yaiybel stojol sp'ijil sc'op te Salomone. Yan ta ora to, li' ay to te mach'a cajal yu'un te Salomone.

Nuevo Testamento Tzeltal de Amatenango

⁴² Sok teꞌ me ay euk te ants te ay ta reyil ta nasion ta stojil sur. Jaꞌ me ya yalbe smulik kꞌoem euk te machꞌatik kuxulik ta balmilal te ora to. Porke lom jakal a tal te antse yuꞌun tal yaꞌi bael tut ay spꞌijil te Salomone. Te machꞌa liꞌ ay te ora to jaꞌ mas mukꞌ ay yuꞌun te Salomone.

Bible in Tzeltal Bachajón

⁴² Te ajwalil-ants ta stojol Sur pajal me ya stehc'an sba ta yorahil ich'el ta c'op soc te jcaj ts'umbalil ini, ya xhalbot smulic yu'un, como c'alal ta sti'il bahlumilal hahch tal ya'iybe sp'ijil-c'op te Salomón, pero ha toyol yu'un Salomón te mach'a li' aye.

San Mateo 12:42 Referans Kwoze

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

1 Reyes 10:24

Ta spisil ants-winiquetic yo'tanuc ya yilic, soc yo'tanuc ya yaiybeyic te sp'ijil sc'op ac'bot yu'un te Diose.

1 Reyes 5:12

Jich te Cajwaltic la yac'bey sp'ijil yo'tan te Salomón, jich nix te bit'il albot yu'une. Te Hiram soc Salomón la xchap sc'opic ta lec, jich lamal q'uinal la yaiyic ta xchebalic.

1 Reyes 4:34

Talic ta yaiyel ta spisil ta jpam lum soc spisil ta jsejp q'uinal, tey ta banti chicnaj ta alel te sp'ijil yo'tan Salomón.

1 Reyes 4:29

Te Salomón bayal sp'ijil yo'tan ac'bot yu'un Dios, soc bayal bitic ac'bot sna'bey swentail; mero bayal bitic ya xju' yu'un snopel, jich yipal te bit'il ji' ay ta sti'il mar.

1 Reyes 3:28

Ta spisil Israel chicnaj te bi la yut la xchajban te muc' ajwalile. Spisilic la yich'ic ta muc' te muc' ajwalil te c'alal la yilic te yich'ojbey sp'ijil Dios te toj ya yaiy chajbanwaneje.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

San Mateo 12:41

“Te c'alal ya sta yorail ya x'ilbot yat'elic te jayeb ants-winiquetic cuxulic ta q'uinal ta ora to, tey me ayic uuc a te niniveetique. Ja' me ya yalbeyic ta jamal te smulique, melel te niniveetique la sujt'es yo'tanic yu'un smulic te c'alal la xchol sc'op Dios te Jonase. Yan ta ora to li' ay to te mach'a cajal yu'un te Jonase.

San Mateo 12:6

Ya calbeyex te li' ay to te mach'a cajal yu'un te temploe.

Deuteronomio 30:13

Soc ma yu'unuc ayuc ta jejch' mar, te jich ya awalic yu'une: “¿Mach'a ya xju' ya xc'ax bael cu'untic ta jejch' mar, swenta yu'un ya yich'botic tel, yu'un ya jna'beytic sba, soc yu'un ya jpastic bael?” te xaexe.