San Mateo 12:39 - Bible in Tzeltal de Oxchuc y Tenejapa

³⁹ La yal te Jesuse: —Ya nax sc'an seña yilic te mach'atic te amen yo'tanic soc te mach'atic ma junuc yo'tanic ta stojol te Diose, ja'uc me to, ma x'ac'bot yilic. Ja' seña ta stojolic te Jonás te namey q'uinal j'alwanej yu'un te Diose.

Nuevo Testamento Tzeltal de Amatenango

³⁹ La sjakꞌ te Jesuse: —Te genteetik to ma tsaꞌamuk yoꞌtanik sok ma junuk yoꞌtanik ta stojol Dios. Jaꞌ nax ya skꞌan yilik seña milagro. Pero ma xꞌaꞌbot yilik. Jaꞌ seña ta stojolik kꞌoem te Jonas te antibo jꞌalwanej yuꞌun te Diose.

Bible in Tzeltal Bachajón

³⁹ La sjac' te Jesús: Te jcaj ts'umbalil te chopol yo'tanic soc te j'antsiwejetic ya sc'an ya yilbonic seña cu'el, pero mayuc seña ya x'a'bot yilic, ha nax te seña te jalwanej Jonás.

San Mateo 12:39 Referans Kwoze

San Mateo 16:4

In te mach'a cuxulic ta q'uinal ta ora to, amen yo'tanic soc jmulwejetic, ya sc'an seña yilic, ja'uc me to, ma x'ac'botic. Ja' seña ta stojolic te Jonás te namey q'uinal j'alwanej yu'un te Diose —xi'. Jich la yijq'uitay jilel. Q'uejel a bajt'.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

San Marcos 8:38

Teme ya xq'uexawex cu'une soc teme ya xq'uexawex yu'un te jc'op ta stojol te mach'atic ayic ta q'uinal ta ora to te ma junuc yo'tanic ta stojol Dios soc te c'aemic ta mulile, ja' nix jich ya me xq'uexaw awu'unic uuc te Nich'anile, te c'alal ya xtal soc yutsilal te State soc te ch'ul abatetic yu'une —xi' te Jesuse.

Isaías 57:3

Te Cajwaltic ya yal: —Noptsajanic tel, ja'ex te snich'nabex te jpic-c'abal, te ayinemex yu'un jtul mulawil winic soc mulawil ants.

2 Reyes 14:25

Te Jeroboam la yac'bey xan sta te sti'il sq'uinal Israel, jajch' ta yochibal Hamat c'ot c'alal ta mar yu'un Arabá, jich nix te bit'il yaloj Cajwaltic te Dios yu'un Israel, te la yal ta swenta te yabate, ja' te Jonás te snich'an Amitai, te j'alwanej talem ta lum Gat-hefer.

Jonás 1:1

Te Jonás snich'an Amitai c'oponot yu'un te Cajwaltique, jich albot:

San Marcos 8:12

Te Jesús la sjic' yo'tan yu'un. Jich la yal: —¿Bi yu'un te ants-winiquetic to te ya sc'an ya x'ac'bot yilic señae? Jamal ya cal te ma'yuc seña ya x'ac'bot yilic te mach'atic cuxulic ta q'uinal ta ora to —xi' te Jesuse.