San Mateo 12:34 - Bible in Tzeltal de Oxchuc y Tenejapa

³⁴ Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

Nuevo Testamento Tzeltal de Amatenango

³⁴ Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

Bible in Tzeltal Bachajón

³⁴ ¡Sts'umbalex jti'awal chanetic! ¿Bin ut'il c'an lecuc ac'opic te chopolexe? Como ya xloc' ta ehal te bintic nojel ta o'tanil.

San Mateo 12:34 Referans Kwoze

San Lucas 6:45

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

San Mateo 15:18

Yan te bila ya xloc' tel ta awe'ique, ta awo'tanic ya xjajch' tel stuquel. Ja' amen ac'oplal ya xc'oex ta stojol Dios yu'un.

Efesios 4:29

Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

1 Samuel 24:13

Ay jun antiguo c'op te jich ya yal: “Ta yo'tan mach'atic amenic ya xloc' tel te bi amene”, te xie. Ja' yu'un te jo'on ma'yuc bi ora ya xyal jc'ab ta atojol.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

San Mateo 12:35

Te mach'a lec yo'tane, lec ya xc'opoj, yu'un lec te bila nojel ta yo'tane. Yan te mach'a amen yo'tane, ma lecuc ya xc'opoj, yu'un nojel ta yo'tan te bila amene.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Isaías 32:6

Melel te bol ajwalil ja' ya yal te sbolil, ya snop ta yo'tan te bitic amene; ya sle bit'il ya yaiy uts'inwanej, soc ya yal lot ta stojol te Cajwaltique. Jochol sc'ab ya sticunic bael te mach'a ay ta wi'nal; soc ma xyac'bey ja' yuch' te mach'a ay ta taquinti'ile.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

Isaías 59:14

Ja' ilaybil c'ot te toj-o'tanile; c'ubul ayotic yu'un te bila toj ta pasele. Te smelelil la sc'ojch'in sba c'oem ta parque; te toj-o'tanile ma'yuc bay ya xju' ya xtal.

Salmos 64:3

Ya sjuxbey ye yaq'uic c'oem jichuc puñal; soc jich te bit'il ya yich' t'imuyel bael yat'ejibal t'imalte', ya yac' bael sc'opic te ay svenenoile.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

San Lucas 3:7

Talic te ants-winiquetic ta stojol te Juane, yu'un c'an yac' sbaic ta ich'ja'. Jich la yalbey yaiyic: —Te ja'exe ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te talelixe?

Isaías 59:4

Te mach'a ya sc'an parte, ma'yuc jtuluc te toj nax ya xc'opoje, ma'yuc mach'a toj yo'tan ya xbajt' ta chajbanel. Ja'uc me to, ja' muc'uben yo'tan yu'un te lot soc te jowil c'opetique; ja' muc'ubenix xch'ujt' yu'un te bila ma lecuque, ya me x'ayin yu'un te mulile.

Salmos 53:1

Te mach'atic ma sna'ic q'uinale, ya yal ta yo'tanic: “Ma'yuc Dios”, xiic. Spisilic jowejemic, ja' spasojic te bila amen ta pasele; ma'yuc jtuluc mach'a ya spas te bila lec ta pasele.

Salmos 64:5

Ja'ic nix ya yac'bey sba yip yo'tanic ta spasel te bila amene; ya xchapic yu'un ya xchajbanic pejts' te ma xchicnaj ta ilele. Ya scuyic te ma'yuc mach'a ya xju' ya x'ilotic yu'un;

Proverbios 4:23

Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Proverbios 16:23

Te mach'a ay sp'ijile, ya sna' ta lec bi ya yal; te t'ujbil c'opetic yu'une, ya xlamaj o'tanil yu'un.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Efesios 5:4

Ma me xawalic bol c'op, soc te jowil c'ope, soc te bila ma ich'biluc swentail ta alele. Ja' lec bajt'uc me ta awo'tanic yalel wocol ta stojol te Diose.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.