San Mateo 12:29 - Bible in Tzeltal de Oxchuc y Tenejapa

²⁹ “Melel teme ay mach'a yo'tan ya yochintaybey sna te c'ajc'al winique, neel ya sc'an ya sc'ol ta chuquel. Patil ya xju' ya yelc'anbey te sbiluque.

Nuevo Testamento Tzeltal de Amatenango

²⁹ “Jich teme ay machꞌa yoꞌtanuk ya skꞌan yochintaybe sna te kꞌakꞌal winike teme ya skꞌan yichꞌbe bael te tut ay yuꞌune, jaꞌ nail ya xchukbe te yok-skꞌabe. Jich me ya xjuꞌ ya yelkꞌan bael te stutik yuꞌune.

Bible in Tzeltal Bachajón

²⁹ como ¿bin ut'il c'an ochintaybeyec sna te winic te ay yip yu'un ya spojbe sbiluc, teme ma nahiluc ya yich' chuquel? Ha to ya xhu' ya spojbe sbiluc a abi.

San Mateo 12:29 Referans Kwoze

Isaías 49:24

¿Ya bal xju' ta pojel loq'uel ta sc'ab te c'ajc'al winic te bitic stsacoj ta guerra? ¿Ya bal xju' xcol loq'uel jtul jchuquel ta sc'ab te jtsalwaneje?

San Marcos 3:27

“Soc ma'yuc mach'a jich nax ya yochintaybey sna te c'ajc'al winique. Teme yo'tan ya sc'an yelc'anbey loq'uel te sbiluque, puersa me neel ya sc'ol ta chuquel. Jich ya xju' yu'un ya yich'bey bael te sbiluque.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

San Mateo 12:28

Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

San Mateo 12:30

“Te mach'a ma sjoinone, ja' jcontro abi. Te mach'a ma ta jwentauc ya stsobawane, ja' jinwanej abi.