San Mateo 12:26 - Bible in Tzeltal de Oxchuc y Tenejapa

²⁶ Ja' nanix jich, ¿ya bal xju' ya sloq'ues sba stuquel te Satanase? Te jichuc ya spase, ja' nax scontroinej sba abi. ¿Bit'il c'an jalajuc ta at'el te jichuque?

Nuevo Testamento Tzeltal de Amatenango

²⁶ Jaꞌ jich euk, ¿me ya wan xjuꞌ ya slokꞌes sba stukel te pukuje? Teme jich ya spase, stukel nax ya skontrain sba abi. ¿Tutꞌil kꞌan jalajuk ta aꞌtel teme jiche?

Bible in Tzeltal Bachajón

²⁶ Te Satanás teme ya sten bahel Satanás, ha nix ya scontrahin sba. ¿Bin ut'il c'an halajuc te ban cuentahimbil yu'une?

San Mateo 12:26 Referans Kwoze

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Apocalipsis 16:10

Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 9:11

Soc ay jtul ajwalil yu'unic te ja' swentainej te xaabe. Abadón sbiil ta hebreo-c'op soc Apolión sbiil ta griego-c'op.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

San Juan 16:11

Te castigo yu'un mulil, ja' te ya yich' castigo te ajwalil yu'un te balumilale.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Mateo 9:34

Yan te fariseoetique jich la yalic: —Ja' ta swenta te mero tatil yu'un pucuj te ya sloq'ues te pucujetique —xiic.

San Mateo 13:19

Te mach'a ya yaiy stojol te bit'il ay ta ajwalinel te Diose, soc te ma xc'ot ta yo'tane, jich c'oem te bit'il awalil te c'ot ta bee. Ya xtal te pucuje, ya sloq'uesbey ta yo'tan te bila la yaiy stojole.