San Mateo 12:22 - Bible in Tzeltal de Oxchuc y Tenejapa

²² Ay la yiq'uic tel ta stojol Jesús jtul winic uma' te ma'situben yu'un te pucuje. Te Jesús la scoltay. Jich c'opoj te winique, soc la yil q'uinal.

Nuevo Testamento Tzeltal de Amatenango

²² Ay a yikꞌik bael ta stojol Jesus jtul winik te ay pukuj ta yoꞌtane. Ma xlokꞌ skꞌop y chokuben yuꞌun. Te Jesuse la slekutes. Jicha kꞌopoj te winike sok la yil kꞌinal.

Bible in Tzeltal Bachajón

²² La yiq'uic tal ta stojol jtuhl winic te ay pucuj ta yo'tan soc ts'o'sit soc uma'; la slecubtes, hich la yil q'uinal soc c'opoj.

San Mateo 12:22 Referans Kwoze

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Marcos 3:11

Te pucujetic te ochem ta yo'tan te ants-winiquetique, ora la squejan sbaic ta stojol te c'alal la yilic te Jesuse. Cajic ta aw: —Ja'at Snich'anat te Diose —xiic.

Isaías 29:18

Te bi c'aalil ya cal ya me yaiyic stojol te cojq'uetic c'alal ay mach'a ya xc'oponbot yaiyic te june; soc te mach'atic ma xyilic q'uinale, ya me xjam sitic, ma'yuc ijc' q'uinal, ni ajc'ubal ta stojolic.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

Salmos 51:15

Cajwal, jambon que, yu'un jich me ya jc'ajintayat ta yalel yutsil ac'oplal.

2 Tesalonicenses 2:9

Te mero jmulawil winique, ya me x'at'ej ta swenta yu'el Satanás. Ya me xtal yac' ta ilel bayal yu'el soc señailetic soc jchajp at'eliletic ta swenta lo'layel.