San Mateo 12:19 - Bible in Tzeltal de Oxchuc y Tenejapa

¹⁹ Ma x'utawan. Ma x'awun. Ma q'uejeluc to chican sc'op ta calleetic.

Nuevo Testamento Tzeltal de Amatenango

¹⁹ Ma ba xꞌawun, makꞌ me stoy skꞌop, ma me xyakꞌ ta aꞌiyel sluwar skꞌop ta kayaetik.

Bible in Tzeltal Bachajón

¹⁹ Ma ba ya shach c'op, ma ba ya x'awon, ma ba ya x'a'iybot sc'op ta callehetic.

San Mateo 12:19 Referans Kwoze

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

San Lucas 17:20

Te fariseoetic la sjojc'obeyic te Jesús te bi ora ya xjajch' ta ajwalinel te Diose. Jich albot yaiyic yu'un: —Ma chicanuc ta ilel te bi ora ya xjajch' ta mandal te Cajwaltic Diose.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 42:2

Ma ba x'awun, ma me xtoy sc'op; ma me xyac' ta aiyel stojol sc'op ta calleetic.

San Mateo 12:20

Ma ba ya slajin sc'asel ta jyalel te jalal te c'asemixe; soc ma ba jc'axel ya stup'bey sc'aal te smechail c'ajc' te c'un nax yac' ta tilele. Ma xlaj yo'tan ta ora ja' to teme ya yaiy tsalaw ta stojil chajbanele.