San Mateo 12:18 - Bible in Tzeltal de Oxchuc y Tenejapa

¹⁸ “Li' ay to te cabat, te tsabil cu'une. C'ux ya caiy ta co'tan soc bin nax co'tan yu'un. Ya me cac'bey ta yo'tan te Espíritu cu'un. Jich me ya spuc ta alel ta stojol jyanlumetic te bila toj ta pasele.

Nuevo Testamento Tzeltal de Amatenango

¹⁸ “Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

Bible in Tzeltal Bachajón

¹⁸ Ha ca'bat ini te tsahbil cu'un; te c'ux ta co'tan, te bayel yutsil co'tan yu'un. Ya ca'be ta stojol te Espíritu cu'un, ha ya spuc ta halel ta stojol jyanlumetic te bin toj ta pasele.

San Mateo 12:18 Referans Kwoze

Isaías 42:1

“Li' ay te cabat, te mach'a ya jwentain, ja' te tsabil cu'une, te mach'a bin nax co'tan yu'une. Cac'ojbey ta stojol te espíritu cu'un swenta yu'un ya me yich' tel te stojil ta chajbanel ta spisil te nacionetique.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

San Juan 3:34

Melel te mach'a ticunbil yu'un te Diose, ja' ya yal te sc'op Diose, yu'un ma p'isbiluc nax Espíritu ya yac' te Diose.

1 Pedro 2:4

Noptsajanic tel ta stojol te Cajwaltic te ja' cuxul ton stuquel. P'ajbil yu'unic te ants-winiquetique; yan te Diose, tsabil yu'un stuquel, soc bayal sc'oplal ta yo'tan.

Isaías 52:13

Te cabate, lec me ya xc'ot ta loq'uel; ya me xtoyesot jajch'el, muc' me ya xc'ot.

Isaías 11:2

Te Espíritu yu'un Dios spisil me ora ay ta stojol. Ya me yac'bey sp'ijil yo'tan, soc sp'ijil sjol, swenta ya yaiy tojteswanej soc yip yu'el. Ya me sna'bey sba te Cajwaltic soc ya me yich' ta muc'.

2 Pedro 1:17

La quiltic ta sitic te c'alal chicnantesbot yutsilal soc ac'ot ta ich'el ta muc' yu'un te Jtatic Diose. Soc la caiybeytic stojol yutsil sc'op te Diose: “Ja' in to, ja' Jnich'an te bayal c'ux ta co'tan te bin nax co'tan yu'une”, te xie.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

Colosenses 1:1

Jo'on Pabloon, ayon ta jpuc-c'op yu'un Jesucristo ta swenta sc'anjel yo'tan te Diose, sjoinejon uuc te quermanotic Timoteo.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Hechos 14:27

Te c'alal c'otic ta Antioquía, la yiq'uic tel spisil te jch'uunjeletique. La yalbey yaiyic spisil te bila spasoj Dios ta swentaique soc te bit'il jamal be yu'un te ya yac' xch'uunjel yo'tanic uuc te jyanlumetique.

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

San Lucas 23:35

Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

San Lucas 9:35

Ay mach'a c'opoj tel ta yolil tocal: —Ja' in to, ja' te Jnich'an te tsabil cu'une. Aiybeya awaiyic stojol sc'op stuquel —xi'.

San Lucas 3:22

Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Marcos 9:7

Talic ta axintesel yu'un te tocale. Ay mach'a c'opoj tel ta yolil te tocale: —Ja' in to, ja' te Jnich'an te bayal c'ux ta co'tane. Aiybeya awaiyic stojol sc'op stuquel —xi'.

San Marcos 1:11

Soc ay mach'a c'opoj tel ta ch'ulchan te jich la yale: —Ja'at Jnich'anat te bayal c'uxat ta co'tane. Bin nax co'tan awu'un —xi'.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

Zacarías 3:8

aiya me awaiy ta lec, soc ac'a me yaiyic te ajo'tac ta sacerdoteile. Ta apisilic te ja'exe, señaex te bila ya xc'ot ta pasel ta patil. Ya me quic' tel te cabat, te ja' te spul c'oeme.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Isaías 62:2

Ya me yilic te nacionetic te bit'il colemate; spisilic te muc' ajwaliletic ya me yilic te awutsilale. Jich yu'un ay me yach'il abiil, ja' nix ya yac'bat stuquel te Cajwaltique.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Salmos 89:19

Ta namey tel c'opojat soc ay bila la awac'bey yil ta sitic, jich la awalbey te abatetic awu'un te mach'atic jun yo'tanic ta atojole: “La jtsaix jtul ta lum cu'un, jtul te ay yip yo'tan soc te ma xiwe, toyol la caq'uix soc coltaybil cu'un.

San Mateo 12:17

Jich la yal swenta yu'un jich ya xc'ot ta pasel te bila la yalbey jilel sc'oplal ta namey te j'alwanej yu'un Dios te Isaías te jich la yale: