San Mateo 12:15 - Bible in Tzeltal de Oxchuc y Tenejapa

¹⁵ C'alal la sna' stojol te Jesuse, loc' bael tey a. Tsobol ants-winiquetic la sts'aclinic bael. La scoltay spisil te jchameletique.

Nuevo Testamento Tzeltal de Amatenango

¹⁵ Kꞌalal la yaꞌibe sluwaril te Jesuse, lok bael teꞌa. Bayal genteetik la stsꞌakliyik bael. Te Jesuse la slekutes spisil chameletik.

Bible in Tzeltal Bachajón

¹⁵ C'alal hich la sna' te Jesús, loc' hahchel tey a. Bayel mach'atic t'unot bahel yu'un, spisil la slecubteslan,

San Mateo 12:15 Referans Kwoze

San Mateo 10:23

Te c'alal ya snutsex in lum to, ananic bael ta yan lum. Jamal ya calbeyex, ma to xnup' ta ilel awu'unic spisil a te lumetic yu'un israeletic te c'alal ya xtal te Nich'anile.

San Juan 11:54

Ja' swentail te ma ba beenix ta comonsitil ta yolil judioetic te Jesuse. La yijq'uitay jilel te sq'uinal Judeae. Bajt' ta ch'in lum te Efraín sbiile te nopol yiloj sba soc te jochol q'uinale. Tey ain soc te jnopojeletic yu'une.

San Juan 7:1

Patil been xan Jesús ta sq'uinal Galilea, yu'un ma la sc'an te ya xbajt' ta sq'uinal Judea scaj te chajbanbil yu'unic te judioetic te ya smilic tey a.

San Mateo 19:2

Ts'aclinot yu'un tsobol ants-winiquetic. Tey la scoltay a te jchameletique.

San Marcos 6:56

Spisil ch'in lumetic soc ta muc'ul lumetic soc ta c'alc'altic, chican banti och bael te Jesuse, tey la sloq'uesic ta bay calleetic te jchameletique. La yalbeyic wocol te Jesús te yacuc spicbeyic sti'il te sc'u'e. Te jayeb mach'atic la spicbeyic te sc'u'e, colic ta chamel ta spisilic a.

1 Pedro 2:21

Ja' la yiq'uex Dios yu'un te jun awo'tan ya ats'ic awocolique. Melel te c'alal c'ax swocol ta jwentatic te Cristoe, tey la yac'botic quiltic te bit'il ya sc'an te ya xc'ax jwocoltic uuc te jo'otique.

Gálatas 6:9

Jich yu'un ma me xlubotic ta spasel te bila lec ta pasele. Melel ya me sta yorail ya jc'ajtic, teme ma xpejc'aj te co'tantique.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

San Lucas 6:12

Jich sc'aalelal te ba sc'opon Dios ta wits te Jesús. Sjunal ajc'ubal la sc'opon Dios tey a.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Lucas 9:11

Te c'alal la sna'ic stojol te ants-winiquetique, la st'unic bael. Te Jesús la yic' ta stojol. La xcholbey yaiyic te bit'il ay ta ajwalinel te Diose, soc la slamantes te mach'atic ayic ta chamele.