San Mateo 11:8 - Bible in Tzeltal de Oxchuc y Tenejapa

⁸ Teme ma ja'uque, ¿bila xc'otuc awilic? ¿O ja' xc'otuc awilic jtul winic te jelawen yutsilal te sc'u'-spac' slapoje? Ya calbeyex, te mach'a jelawen yutsil sc'u'-spac' ya slape, ay ta sna muc' ajwalil stuquel.

Nuevo Testamento Tzeltal de Amatenango

⁸ Teme ma jaꞌuke, ¿tut xkꞌo awilik tal tem jichte? ¿O jaꞌ xkꞌo awilik tal te jtul winik te ben tsaꞌam skꞌuꞌ-spakꞌ slapoje? Ya anaꞌik te jaꞌexe te machꞌa ben tsaꞌam skꞌuꞌ-spakꞌ ya slape ay ta sna rey stukelik.

Bible in Tzeltal Bachajón

⁸ ¿Bin tal awilic, ha bal jtuhl winic te slapoj buen fino pac'? Te mach'atic slapojic buen fino pac', ayic ta sna ajwaliletic stuquelic.

San Mateo 11:8 Referans Kwoze

San Mateo 3:4

Te sc'u' te Juane pasbil ta stsotsil camello, soc xchucoj xch'ujt' ta nujc'ul. Ja' la swe'elin te c'ulub soc aja-chab.

Zacarías 13:4

“Te c'alal ya sta sc'aalelal ya me xq'uexawic te j'alwanejetic te ay bi la yil ta sc'opique. Ma me ayuc mach'a ya slo'lay teme ya slapic te c'u'il nujc'ul yu'un j'alwanejetic,

Isaías 20:2

Jich yorail a te c'opoj te Cajwaltic ta swenta te Isaías te snich'an Amoz, jich la yalbey: —Loq'uesa te ch'ixal pac' alapoje, soc te xanabil te ayic ta awacane —xi'. Te Isaías jich la spas, ma la slap xanab soc t'anal la yac' sba.

2 Reyes 1:8

La sjaq'uic: —Te winique sc'u'inej nujc'ul te ay stsotsil, soc xchucoj xch'ujt' ta nujc'ul —xiic. —Ja' jiche te Elías, te talem ta Tisbe —xi' te muc' ajwalile.

Apocalipsis 11:3

Soc ya me jticun cheb testigoetic cu'un te ya xc'opojic ta j'alwanej cu'un oxbajc' soc oxwinic (1,260) c'aal te slapojic ch'ixal pac' swenta mel-o'tan —xi' la caiy.

2 Corintios 11:27

C'axix jwocol ta lubel ta at'el ta jc'ab. Ay ma wayon xujt'uc. Ay c'ax jwocol ta wi'nal soc ta taquinti'il. Bayal buelta la jcom jwe'el. Soc ay c'ax jwocol ta sic yu'un ma ba wejt' lec te jc'u'-jpaq'ue.

1 Corintios 4:11

Xjajch'ibal to tel caiyojtic wi'nal soc taquinti'il, soc ma'yuc jc'u'-jpac'tic. Te jo'otique pac'bilotic ta majel, soc ma'yuc bay junajem jnatic ta lec.

Deuteronomio 28:54

Asta te winic bayal yutsil yo'tan te ay ta awolilique, ya me xbolob ta sit te yermano, te yinam te bayal c'ux ta yo'tan, soc te snich'nab ay to jileme.

San Mateo 11:7

Te c'alal sujt'ic bael te jnopojeletique, te Jesús caj yalbey yaiyic te mach'atic stsoboj sbaic te bit'il ay sc'oplal te Juane. Jich la yal: —¿Bila xc'otuc awilic ta bay jochol taquin q'uinal? ¿Ja' bal ba awilic jalal te yac ta tijulayel yu'un te iq'ue?

San Mateo 11:9

¿Biluc xc'otuc awilic jiche? “Ja' xc'o quiltic jtul j'alwanej yu'un Dios”, ¿xaex bal? Melel nix a. Soc ya calbeyex te c'ax jich ay yat'el te bit'il j'alwanej yu'un te Diose.

San Lucas 7:25

Teme ma ja'uque, ¿bila xc'otuc awilic jiche? ¿O ja' xc'otuc awilic jtul winic te jelawen yutsilal te sc'u'-spac' slapoje? Ya calbeyex, te mach'a jelawen yutsil sc'u'-spac' ya slape soc te uts-lec nax te bila ya stuuntese, ay ta sna muc' ajwalil stuquel.