San Mateo 11:7 - Bible in Tzeltal de Oxchuc y Tenejapa

⁷ Te c'alal sujt'ic bael te jnopojeletique, te Jesús caj yalbey yaiyic te mach'atic stsoboj sbaic te bit'il ay sc'oplal te Juane. Jich la yal: —¿Bila xc'otuc awilic ta bay jochol taquin q'uinal? ¿Ja' bal ba awilic jalal te yac ta tijulayel yu'un te iq'ue?

Nuevo Testamento Tzeltal de Amatenango

⁷ Te kꞌalal bajtikix ae, te Jesuse lijk yalbe yaꞌiyik te genteetike te tutꞌil ay te Juane. Jich a yal: —¿Tut xkꞌo awilik tal te ba tꞌantꞌan luware? ¿Me jaꞌ xkꞌo awilik tal te jalal te ya xtijulanot yuꞌun te ikꞌe?

Bible in Tzeltal Bachajón

⁷ C'alal suhtic bahel a, te Jesús hahch yalbe sc'oblal te Juan ta stojol te mach'atic tey ayic a: ¿Bin a te loc' tal awilic ta jochol taquin q'uinal, ha bal jalal yac ta yuq'uilanel ta ic'?

San Mateo 11:7 Referans Kwoze

Santiago 1:6

Ja'uc me to, ya sc'an te soc xch'uunjel awo'tanic te ya ac'anbeyique. Ma me x'ayan awo'tanic ta stojol. Melel te mach'a ya x'ayan yo'tan ta sc'anele, ja' pajal soc te xtal xbajt' nax ya x'eanot yu'un ic' te mare.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

Génesis 49:4

Ja'uc me to, ma ja'uc primero ya xc'oatix, melel jichat te bit'il tulan snojel ja' te ma xju' ta comele: melel la aboltesbon te jwayib te bit'il wayat soc te jcriadae.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

San Mateo 21:25

¿Mach'a la yac'bey yat'el ta yaq'uel ich'ja' te Juane? ¿Ja' bal te Diose, o ja' bal te winiquetique? —xi'. Jich jajch' yaanic stuquelic: —Teme ya caltic te ja' ac'bot yat'el yu'un te Diose, ya me yalbotic: “¿Bistuc ma la ach'uunic te bila la yale?”, ya me yutotic.

San Mateo 3:5

Talic te mach'atic ayic ta muc'ul lum Jerusalén, soc ta spamal sq'uinal Judea, soc te mach'atic ayic ta bay nopol ti'muc'ja' Jordán.

San Juan 1:38

Te Jesús la sujt'es sba ta yilel. La yil ts'acal tel ta spat te chebique. La sc'opon: —¿Bi ya aleic? —xi'. La sjaq'uic: —Rabí (ja' bi, Maestro, xi' c'oem), ¿banti nainemat? —xiic.

San Mateo 11:8

Teme ma ja'uque, ¿bila xc'otuc awilic? ¿O ja' xc'otuc awilic jtul winic te jelawen yutsilal te sc'u'-spac' slapoje? Ya calbeyex, te mach'a jelawen yutsil sc'u'-spac' ya slape, ay ta sna muc' ajwalil stuquel.

San Mateo 12:20

Ma ba ya slajin sc'asel ta jyalel te jalal te c'asemixe; soc ma ba jc'axel ya stup'bey sc'aal te smechail c'ajc' te c'un nax yac' ta tilele. Ma xlaj yo'tan ta ora ja' to teme ya yaiy tsalaw ta stojil chajbanele.