San Mateo 11:5 - Bible in Tzeltal de Oxchuc y Tenejapa

⁵ Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

Nuevo Testamento Tzeltal de Amatenango

⁵ Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

Bible in Tzeltal Bachajón

⁵ Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 11:5 Referans Kwoze

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

Isaías 29:18

Te bi c'aalil ya cal ya me yaiyic stojol te cojq'uetic c'alal ay mach'a ya xc'oponbot yaiyic te june; soc te mach'atic ma xyilic q'uinale, ya me xjam sitic, ma'yuc ijc' q'uinal, ni ajc'ubal ta stojolic.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

San Mateo 21:14

Tey ta templo noptsajic tel ta stojol Jesús te ma'sitetic soc coxoetic. Jich la scoltay.

San Juan 10:38

O teme ja' nix yacon ta spasele, manchuc teme ma xach'uunbonic te bila la cale, ja' me x'awich'ic ta muc' te at'eliletic ya jpase, swenta yu'un tey me ya ana'ic ta jc'axel a te jun ayon soc te Jtate —xi' te Jesuse.

San Juan 10:25

Te Jesús la yal: —La calbeyex, ja'uc me to, ma x'ac'an ach'uunbonic jc'op. Te at'eliletic ya jpas ta swenta sbiil te Jtate, ja' testigoetic cu'un.

San Juan 5:36

Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

San Juan 3:2

Tal sc'opon ta ajc'ubal te Jesuse. Jich jajch' yalbey: —Maestro, jna'oj stojol te bit'il ticunbilat tel ta p'ijubteswanej yu'un te Diose, melel ma'yuc mach'a ya xju' yu'un spasel te jchajp at'eliletic te yacat ta spasel te manchuc sjoinejucat te Diose —xi'.

San Juan 2:23

Te bit'il ay ta Jerusalén ta yorail q'uin Pascua te Jesuse, bayal mach'a la xch'uun yo'tanic ta swenta yu'un la yilic te señaetic te yac ta spasele.

San Marcos 9:25

C'alal la yil Jesús te sten sten nax sbaic tel te ants-winiquetique, la scom te pucuje: —Ja'at, pucuj, uma' soc cojc'at, ya calbat mandal: Loc'an ta yo'tan te quereme soc ma me xcha'ochat xan ta yo'tan —xi' te Jesuse.

San Marcos 7:37

Jchajp nax la yilic ta c'axem to xan te bila c'ot ta pasele. Jich la yalic: —Spisil ya xju' ta lecubtesel yu'un. Te cojq'ue ya yaiy stojol c'op. Te mach'a ma xju' ya xc'opoje, ya xc'opoj yu'un —xiic.

San Mateo 10:8

Soc ya me alamantesic jchameletic, soc jc'a'el-chameletic, soc ya me acuxesic animaetic, soc ya me aloq'uesic pucujetic. Ta majt'anil la cac'beyex; ac'aic ta majt'anil uuc.

San Mateo 9:30

Jich jam te sitique. Te Jesús tulan sc'oplal la yalbey yaiyic: —Tsajtaya abaic, ma me mach'a xawalbey yaiyic —la yut.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Isaías 43:8

“Ticunaic tel te lum cu'une te ay sitic pero ma xyilic q'uinal, soc te ay xchiquinic pero ma xyaiyic c'op.

Salmos 146:8

te Cajwaltic ya sjambey sit te mach'atic ma xyilic q'uinal; te Cajwaltic ya stijbey xan jajch'el yo'tanic te mach'atic peq'ueliquixe; te Cajwaltic c'ux ta yo'tan te mach'atic toj yac'oj sbaic;

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.

2 Reyes 5:14

Te Naamán bajt', c'o smul sba juqueb buelta ta Jordán, jich te bit'il pasot ta mandal yu'un te j'alwanej yu'un te Diose. Te sbaq'uetal jich c'ot te bit'il sbaq'uetal ch'in querem, mero lec a jil.

2 Reyes 5:7

Te c'alal la yil te carta te muc' ajwalil yu'un Israel, la sjats sc'u' yu'un, swenta seña te la smel yo'tane, soc jich la yal: —¿Yu'un bal Dioson te ya xju' cu'un te ya cac'bey xcuxlejal, soc te ya xju' ya cac' ta lajel, te bit'il la sticunbon tel te jtul winic yu'un ya jch'aybey te xchamele? Tsajtaya awaiyic ta lec, ya me ana'ic te bit'il ya nax sle bi ya yut ya scontroinone —xi'.

San Mateo 5:3

—Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Zacarías 11:7

Jich ora ochon ta scanantayel te chijetic chapal sc'oplalic yu'un ya xbajt'ic ta smiljibale. Ja' at'ejon ta swenta te mach'atic ya xmanbajique. La jle cheb nabate'eletic: Te june “Utsilal” sbiil la cac'bey, te yane “Jun nax ay” sbiil la cac'bey.

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

Isaías 29:19

Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.

San Mateo 11:4

La yal te Jesuse: —Baanic, albeya te Juan te bila la awilique soc te bila la awaiyic stojole.

San Mateo 12:13

Jich la yalbey te winique: —Toya jajch'el te ac'abe —la yut. Te c'alal la stoy jajch'el te sc'abe, jich lecub. Pajal lec c'ot soc te yan sc'abe.

San Juan 9:7

Jich la yalbey: —Baan, poca asit ta bay estanqueil ja' te Siloé sbiile —la yut. (Te Siloé, “ticunbil”, xi' c'oem.) Te ma'site ba spoc te site. Te c'alal sujt' baele, ya yilix te q'uinale.