San Mateo 11:29 - Bible in Tzeltal de Oxchuc y Tenejapa

²⁹ Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Nuevo Testamento Tzeltal de Amatenango

²⁹ Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

Bible in Tzeltal Bachajón

²⁹ Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

San Mateo 11:29 Referans Kwoze

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

1 Juan 2:6

Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.

San Juan 13:15

Melel la cac'beyex awilic swenta yu'un jich me ya apasic uuc te bit'il la jpas awilique.

San Mateo 7:24

“Jich yu'un te mach'a ya yaiybon stojol te jc'ope soc teme ya spas te bila caloje, jich c'oem te bit'il jtul winic te ay sp'ijil yo'tane. Te c'alal la spas sna, la sle p'ijom ton te banti la sjaches ta pasel te snae.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Filipenses 2:5

Ja' me xanopic te bit'il ay yo'tan stuquel te Cristo Jesuse:

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

San Mateo 21:5

“Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

2 Corintios 10:5

Jich ya jlajinbeytic sc'oplal a te bila nopjibal yu'un te yantique, spisil jtoybaetic te ya scontroinic te bila ay ta na'el yu'un te Diose. Spisil nopjibal yu'un te ch'ich'-baq'uete, ya me cac'beytic xch'uunic te Cristoe.

1 Tesalonicenses 4:2

Yu'un ana'ojic stojol te p'ijubtesel la calbeyex awaiyic ta swenta te Cajwaltic Jesuse.

San Juan 13:17

Teme c'ot ta awo'tanique, bin nax me awutsil teme jich ya apasique.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

1 Corintios 9:21

Te mach'atic ma ba wentainbilic yu'un te mandalile, jich ya cac' jba te bit'il ayique, swenta yu'un jich ya jpas ta ganar a te mach'a ma ba wentainbil yu'un te mandalile. (Ma yu'unuc te ma'yucon ta swenta te mandalile, melel ja' ayonix ta swenta te mandalil yu'un te Cristoe.)

Hechos 7:37

Soc ja' nix Moisés te la yalbey te israeletique: “Te Diose ya me yac'beyex jtul j'alwanej te ya xchicnaj ta awolilic jich te bit'il la xchicnanteson ta awolilic te jo'one. Ja' me x'awich'beyic ta muc' te bila ya yalbeyex awaiyique”, te xie.

San Lucas 8:35

Jich te ants-winiquetique tal yilic te bila c'ot ta pasele. Te c'alal c'otic tey a ta bay te Jesuse, nacal ta nopol yacan Jesús c'o staic te winic te loq'uemix pucujetic ta yo'tane. Slapojix sc'u'-spac', soc ya sna'ix te q'uinale. Te ants-winiquetique xiw yo'tanic yu'un.

Salmos 131:1

Cajwal, ma ba ya stoy sba co'tan; soc ma ba toyol ya yac' sba te jsite. Ma ja'uc ay co'tan a te bila muq'uic; soc ma ja'uc ya jc'an te bitic toyol sc'oplal te ma jnujp'in yu'un te smuc'ule.

Salmos 116:7

Ta ora yo'tic lamalix co'tan ya caiy, melel te Cajwaltic mero lec yo'tan ta jtojol.

Proverbios 3:17

Mero c'ax bujts'an ta t'unel te sbe; teme tey yacat ta beel a, ayat me ta swenta lamal-o'tanil.

Isaías 28:12

Ja' stuquel te la yalbey yaiyic ta neelale: —Tey ay te lamal q'uinale, tey ay te cux-o'tanile; ac'a xcux yo'tan yu'un te jasjonele —xi'. Pero ma la sc'an yich'ic ta muc'.

Isaías 29:19

Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.

2 Crónicas 10:11

Teme al la yac'beyex awijc'atsic, c'axem to xan al ya cac'beyex a te jo'one. Teme nujc'ul la smajex a, te jo'one chicote ya jmajex jtuquel a te yich'oj taq'uin ta sni'ile”, uta me —xiic.