San Mateo 11:27 - Bible in Tzeltal de Oxchuc y Tenejapa

²⁷ Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Nuevo Testamento Tzeltal de Amatenango

²⁷ Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

Bible in Tzeltal Bachajón

²⁷ Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatil te ya sna'be sba, soc mayuc mach'a ya sna'be sba te Tatil, ha nax te Nich'anil te ya sna'be sba soc te mach'atic ya sc'an ya x'a'botic sna'beyic sba yu'un te Nich'anil.

San Mateo 11:27 Referans Kwoze

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

2 Juan 1:9

Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.

1 Juan 2:23

Spisil mach'a ma sc'an yich'ic ta muc' te Nich'anile, yu'un nanix ma ba yich'ojic ta muc' uuc te Tatile. Yan te mach'a jamal ya yal te ja' xch'uunej te Nich'anile, ja' xch'uunej ta melel uuc te Tatile.

San Juan 3:35

Te Tatile c'ux ta yo'tan te Snich'ane, ja' yac'ojbey ta sc'ab spisil te bitic aye.

San Juan 6:46

“Ma'yuc mach'a yiloj te Jtate. Jo'on nax quiloj jtuquel te bit'il tey talemon a.

San Juan 1:18

Te Diose, jtul ma'yuc mach'a yilojbey sit; ja'uc me to, te jip jtul Snich'an te jun nax ay soc te Tatile, la yaq'uix jna'beytic sba te Diose.

San Juan 7:29

Te jo'one ya jna'bey sba, te melel talemon ta stojol soc ja' la sticunon tel —xi' te Jesuse.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

1 Pedro 3:22

Soc te bit'il mo bael ta ch'ulchane, jich ayix ta swa'el sc'ab te Diose. Ay ta ch'uunel smandal yu'un spisil te ch'ul abetetique soc te mach'atic yich'oj yat'elic ta stojolic soc te jmandalteswanejetic yu'unique.