San Mateo 11:17 - Bible in Tzeltal de Oxchuc y Tenejapa

¹⁷ “La coq'uesin camaytic, ma ba ajc'otajex yu'un. La jc'ajintaytic mel-o'tan c'ayoj, ma ba oq'uex yu'un”, te xiique.

Nuevo Testamento Tzeltal de Amatenango

¹⁷ “La kokꞌesintik kamaytik, maꞌ ajkꞌotajex yuꞌun. La jkꞌayojintik te ben triste kꞌayojetik, maꞌ okꞌex yuꞌun”, te xchiike.

Bible in Tzeltal Bachajón

¹⁷ La jcoq'uesimbeyexcotic amay, pero ma ba ahc'otajex; la jc'ayojtaybeyexcotic c'ayoj yu'un mel-o'tan, pero ma ba oq'uex, xchihic;

San Mateo 11:17 Referans Kwoze

Isaías 30:29

Yan te ja'exe, ya me xc'ajinex jich bit'il ta ajc'ubal yu'un ch'ul q'uine; bin nax me awo'tanic, jich bit'il mach'a ya xbeen ta swenta sc'op te amay, te ya xbajt' ta wits yu'un Cajwaltic, ja' te anjibal yu'un te israeletique.

San Mateo 9:15

La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

Jeremías 31:4

Israel, ya jcha'pasat xan ta yach'il. Ya me xtalat yan buelta ta ajc'ot soc panderoetic ta yutsil awo'tanic.

San Mateo 9:23

Te c'alal och Jesús ta sna te jwolwaneje, la yil te ay mach'atic chapalic soc yamayic ta spasel q'uin swenta te ya yich' muquele. Te ants-winiquetique tulan yacalic ta yoq'uetayel.

1 Reyes 1:40

Spisilic la st'unic bael, yacalic ta yoq'uesinel bael amay. Mero bayal te yutsil yo'tanique, jich yaiyel te bit'il ya xjatix ta olil te lumq'uinal yu'un te yawique.

San Lucas 15:25

“Te banquilale baem ta c'altic a. Te c'alal sujt' tele, ma to xc'ot ta sna a te la yaiy stojol q'uin soc ajc'ot.

Génesis 50:10

C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

San Mateo 11:16

“Te ants-winiquetic te cuxulic ta q'uinal ta ora to, ja' pajalic soc te alaletic te ya snajc'an sbaic ta tajimal ta yolil ch'iwich. Jich ya yawtayic te sjo'taque:

San Mateo 11:18

Melel te c'alal tal te Juane ma ba we'-uch'aj ta lec. “Ay pucuj ta yo'tan”, xaex yu'un.

San Lucas 7:32

Ja' pajalic soc alaletic te ya snajc'an sbaic ta tajimal ta yolil ch'iwich te ya yawtay sjo'taque: “La coq'uesintic amay, ma ba ajc'otajex yu'un. La jc'ajintaytic mel-o'tan c'ayoj, ma ba oq'uex yu'un”, te xiique.

San Lucas 8:52

Spisilic yacalic ta oq'uel, soc x'awetic nax ta smelel yo'tanic yu'un te ach'ixe. Te Jesús jich la yalbey: —Ma x'oq'uex. Melel te ach'ixe ma ba lajem. Wayal nax —xi'.

San Lucas 23:27

Spisil te lume la sts'aclinic bael soc ay tsobol antsetic te tulan yacalic ta oq'uel soc mel-o'tan ta swenta te Jesuse.