San Mateo 11:14 - Bible in Tzeltal de Oxchuc y Tenejapa

¹⁴ Soc te yacuc xc'ot ta awo'tanic te ja'exe, te Elías te jtul j'alwanej yu'un Dios te maliybil ya xtale, ja'ix te Juane.

Nuevo Testamento Tzeltal de Amatenango

¹⁴ Sok te yauk xchꞌuun awoꞌtanik te jaꞌexe, te jꞌElias te jtul jꞌalwanej yuꞌun Dios te ya amaliyik xtale, jaꞌix te Juane.

Bible in Tzeltal Bachajón

¹⁴ Te yacuc ac'an yac ach'uhunic, te Juan ha nix te Elías te sc'oblal ya xtale.

San Mateo 11:14 Referans Kwoze

Malaquías 4:5

“Aiya awaiyic, ya jticunbeyex te j'alwanej Elías te c'alal ma to xc'ot sc'aalelal te Cajwaltic, te mero muc' sc'aalelal te xiweltic sbae.

San Lucas 1:17

Ya me xneelaj ta yalel sc'oplal te Cajwaltique. Ja' me ya spajbey yo'tan soc yip yat'el te j'alwanej Eliase, swenta yu'un ya yac' junajuc yo'tanic te sme'-static ta stojol te alnich'anetique, soc swenta yu'un ya me yac'bey snopic xch'uunel mandal te jc'axintayej-c'opetique. Jich me chapalix yo'tanic ta lec a te lume te ya yic' ta stojolic te Cajwaltique c'alal ya xtale —xi' te ch'ul abate.

1 Corintios 3:2

Ja' la cac'beyex anuq'uic te chu'ule. Ma ja'uc la cac'beyex te tulan we'elile, melel ma to xju' awu'unic. Asta ora to, ma to xju' awu'unic snopel te bila tulane,

San Juan 16:12

“Ay to bayal xan te bila c'an calbeyexe, ja'uc me to, ma to xju' awu'unic sna'el stojol ta ora to.

Ezequiel 2:5

Teme la yich'at ta wentae, o teme ma ba la yich'at ta wentae, melel tulan ya yac' sbaic ta jtojol, pero ya me sna'ic te ay jtul j'alwanej yu'un Dios ta yolilique.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Mateo 11:13

Spisil te j'alwanejetic yu'un te Diose soc te mandalile, la yalic te bit'il ay ta ajwalinel te Dios te ay ta ch'ulchane, ja' to c'alal tal te Juane.