San Mateo 11:13 - Bible in Tzeltal de Oxchuc y Tenejapa

¹³ Spisil te j'alwanejetic yu'un te Diose soc te mandalile, la yalic te bit'il ay ta ajwalinel te Dios te ay ta ch'ulchane, ja' to c'alal tal te Juane.

Nuevo Testamento Tzeltal de Amatenango

¹³ Spisil te jꞌalwanejetik yuꞌun te Diose sok te mantaliletik yuꞌun te jMoises la yalik te tutꞌil ya xtal te machꞌa ya xmantalaje, jaꞌ to kꞌalal tal te Juane.

Bible in Tzeltal Bachajón

¹³ Spisil te jalwanejetic soc te Ley la yalic sc'op Dios ha to ta yorahil te Juan.

San Mateo 11:13 Referans Kwoze

Romanos 3:21

Ja'uc me to, ac'a jiluc te mandalile. Ta ora to, Dios la yalix te bit'il ay te chajbanel yu'une, melel jamal ts'ibubil jilel sc'oplal ta bay nix te mandalil soc ta bay sjunic te j'alwanejetique.

Hechos 13:27

Melel te mach'atic ayic ta lum Jerusalén soc te jwolwanejetic yu'unique, ma la sna'ic teme ja' Jcoltaywanej cu'untic te Jesuse, soc ma ba c'oem ta yo'tanic te bila yalojic te j'alwanejetic yu'un te Diose, te ya yich' alel ta sinagogaetic ta jujun sc'aalelal te cux-o'tane. Jich c'ot ta pasel ta swentaic te la yaq'uic ta lajel te Jesuse.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Lucas 24:27

Jich jajch' xcholbey spisil te bila ts'ibubil jilel ta Sjun Dios te bit'il ay sc'oplal te Cristoe. Tey jajch' ta Moisés ja' to c'alal ta slajibal te namey q'uinal j'alwanejetic yu'un te Diose.

Malaquías 4:6

Ya me yac' xlecub yo'tan te tatil soc te snich'nabe. Teme ma xlecub yo'tanique, ya xtalon, ya cac'bey castigo te slumal, ya jlajin ta jc'axel ta spisil —xi' te Cajwaltique.

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.

San Mateo 11:14

Soc te yacuc xc'ot ta awo'tanic te ja'exe, te Elías te jtul j'alwanej yu'un Dios te maliybil ya xtale, ja'ix te Juane.