San Mateo 11:11 - Bible in Tzeltal de Oxchuc y Tenejapa

¹¹ “Jamal ya calbeyex, ma'yuc jtuluc chicnajem ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel yac'oj sba ta yajwalinel te Dios te ay ta ch'ulchane, ja' me cajal xc'ot yu'un te Juane.

Nuevo Testamento Tzeltal de Amatenango

¹¹ Jamal ya kalbeyex: Ta spisilik te winketike te kꞌaxix ta balmilale maꞌyuk jtuluk te pajal yaꞌtel sok te Juan Akꞌichꞌjaꞌe. Pero te machꞌa chꞌin ay teꞌa te ba ay ta mantal te Diose, jaꞌ me mukꞌ ay yuꞌun te Juane.

Bible in Tzeltal Bachajón

¹¹ Jamal ya calbeyex, spisil mach'atic alataybilic yu'un ants, mayuc chicnajem te c'ax hich sc'oblal a te bin ut'il Juan te J'ac'-ich'-ha'. Pero te mach'a c'ax peq'uel ay ta banti ay te cuentahinel yu'un te ch'ulchan ha toyol c'ohem yu'un te Juan.

San Mateo 11:11 Referans Kwoze

San Lucas 7:28

Ya calbeyex te ma'yuc jtuluc winic ta yolil te ants-winiquetic te pajal yat'el soc te Juan J'ac'-ich'ja'e. Ja'uc me to, te mach'a peq'uel ya yac' sba ta yajwalinel te Diose, ja' me cajal xc'ot yu'un te Juane —xi' te Jesuse.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

San Juan 1:15

Te Juan la yalbey sc'oplal ta testigo, jich la yal: —Ja' in to, ja' te mach'a la calbey sc'oplal, te patil ya xtal, te cajal sc'oplal cu'un stuquele, melel stalel ayix stuquel a te c'alal ma to xchicnajone —xi' te Juane.

San Mateo 5:19

Jich yu'un te mach'a ya xc'axintay jp'aluc te mandalile, manchuc teme ch'in jteb nax sc'oplale, soc teme jich ya yac'bey snop te ants-winiquetique, ch'in jxujt' me ya x'ilot ta banti ay ta ajwalinel te Dios ta ch'ulchane. Ja'uc me to, te mach'a ya xch'uun spasel soc teme jich ya yac' ta nopele, muc' me ya x'ilot ta banti ay ta ajwalinel te Dios ta ch'ulchane.

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Lucas 9:48

Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

1 Pedro 1:10

Te namey q'uinal j'alwanejetic la yalbeyic sc'oplal te yutsil yo'tan Dios ta atojolique. La snopilayic soc la sjojc'oy yaiyic ta lec te bit'il ay sc'oplal te jcoleltique. Jich la yalbeyic sc'oplal te bila ya yac'botic ta jpisiltic te Dios ta swenta te yutsil yo'tane.

Hebreos 11:40

yu'un ay yan te c'axem to xan ay yutsilal te xchajbanej te Diose. Melel ayotic ta yo'tan uuc te jo'otique. Jich ma stuqueluc nax te ya yich'ic utstesel ta jc'axele, melel jo'otic ya me quich'tic utstesel ta jc'axel uuc.

1 Corintios 15:9

Te jo'one peq'uel ayon yu'un te yantic jpuc-c'opetique. Soc ma snujp'in ya caiy te jbiilinej jpuc-c'ope, yu'un la cuts'in te jch'uunjeletic yu'un te Diose.

1 Corintios 6:4

Melel teme ay c'op jajch'em awu'unic ta swenta nax te jcuxlejaltic ta q'uinale, ¿bi yu'un te ya xba awaq'uic ta chajbanel ta stojol juecetic te ma'yuc yat'elic ta stojol te jch'uunjeletique?

San Juan 10:41

Tsobol tal yilic. Jich la yalic: —Manchuc teme ma'yuc señail la spas te Juane, ja'uc me to, smelelil te bila la yalbey sc'oplal in winic to —xiic.

San Juan 3:30

Ja' me ya xtoy bael sc'oplal stuquel. Yan te jo'one, ya me xlaj bael jc'oplal jtuquel —xi' te Juane.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Job 15:14

Ma'yuc winic te mero leque, ma'yuc mach'a libre ay yu'un smul.

Job 14:4

Ma'yuc mach'a ya spas te ay bila lec ya xloc' yu'un a te bila ma lecuque.

Job 14:1

“Te winic ayinem ta swenta antse, mero com te xcuxlejale, soc bayal wocol ya xtal ta stojol.

San Juan 5:35

Te Juan jich c'ot ta atojolic te bit'il luz te chicnaj q'uinal ta atojolic yu'une. In te ja'exe ay sbujts' awo'tanic yu'un jun chebuc c'aal te luz yu'une.

San Juan 1:27

Ja' in to, ja' te mach'a patil ya xtal cu'une, jichon ta stojol ya caiy te bit'il ma'yuc jtuul ta jyalele. Ni yacuc xju' ya jtilbey sc'ab te xanabe —xi' te Juane.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

Isaías 30:26

Te Cajwaltic ya xpoxtay soc ya spotsbey yejch'en te lum yu'une. Te u jich me ya yac' xojobil bit'il te c'aale. Te xojobil te c'aale juqueb xan buelta ya xtoy yip te xojobile, jich bit'il xojobil juqueb c'aaletic te jun nax ayique.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Efesios 2:3

Ta jpisiltic jich ayotic uuc ta neelal to. Ja' bajt' ta co'tantic spasel te bila la smulan spasel te jbaq'uetaltique. Ja' la jpasbeytic te bila ya sc'an yo'tan te jbaq'uetaltique soc te bila la jnop ta co'tantique. Ja' nax ayotic ta swenta yich'el tulan castigo, jich bit'il te yantique.

2 Timoteo 1:10

La yac' chicnajuc te yutsil yo'tan ta jtojoltic ta ora to te bit'il xtaluc te Jcoltaywanej cu'untique, ja' te Jesucristoe. Ja' xtaluc slajinbey yu'el te lajele, soc la yac' ta ilel ta swenta te lec yach'il c'op te bit'il ay cuxinel te ma xlaj sbajt'el q'uinale.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

San Mateo 3:1

La sta yorail te tal ta bay jochol taquin q'uinal yu'un Judea te Juan J'ac'-ich'ja'e.

San Mateo 11:10

Yu'un ja' nix te mach'a jich ts'ibubil jilel sc'oplal ta Sjun te Diose: “Ya me jneeltes bael ta atojol jtul j'alwanej cu'un, swenta yu'un ya xchajbanbat abe”, te xie.

San Mateo 11:12

“Te c'alal tal te Juan J'ac'-ich'ja'e ja' to ta ora to, jajch' ta controinel yu'un te bit'il ay ta ajwalinel te Dios te ay ta ch'ulchane. In te mach'atic yich'oj sbaic ta muc' soc te yipique, yo'tanuc ya yu'uninic.