San Mateo 11:1 - Bible in Tzeltal de Oxchuc y Tenejapa

¹ Te c'alal laj yo'tan Jesús ta spasel ta mandal te lajchaytul jnopojeletique, loc' bael tey a. Ba yaiy p'ijubteswanej soc ba yal sc'op Dios ta bay te lumlumtic yu'unique.

Nuevo Testamento Tzeltal de Amatenango

¹ Te kꞌalal laj yoꞌtan te Jesuse ta spasel mantal te lajchaytul jnopojeletik yuꞌune, jajch bael teꞌa. Ba pꞌijuteswanuk sok ba yal skꞌop Dios te ba jtejklumetik teꞌa.

Bible in Tzeltal Bachajón

¹ C'alal laj yo'tan te Jesús ta snohptesel te lahchaytuhl (12) jnopojeletic yu'une, hahch bahel tey a, baht ya'iy p'ijubteswanej soc yalel sc'op Dios ta yantic pueblohetic yu'unic.

San Mateo 11:1 Referans Kwoze

Hechos 10:38

Melel awaiyojbey stojol sc'oplal te Jesús te talem ta lum Nazarete. Dios la yac'bey yu'el ta swenta te Ch'ul Espíritu te la yac'bey yiq'ue. Jich bayuc been ta scoltayel te ants-winiquetic soc ta slamantesel spisil te mach'atic ay swocolic ta uts'inel yu'un te pucuje. Jich ju' yu'un spasel, melel sjoinej te Diose.

San Lucas 8:1

Patil been Jesús ta lumlumtic soc ta ch'in lumetic. Bayuc la xchol te lec yach'il c'op yu'un te ya xjajch'ix ta ajwalinel te Diose. Sjoinej ta beel te lajchaytul puc-c'opetic yu'une.

San Mateo 9:35

Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.

2 Tesalonicenses 3:10

Melel te c'alal ayotic ta awolilique, jich la calbeyex mandal: “Te mach'a ma sc'an x'at'eje, ma me xwe'”, xootic.

2 Tesalonicenses 3:6

Quermanotac, ya calbeyex xan mandal ta swenta te Cajwaltic Jesucristoe: Ma me xajoin aba soc te quermanotic te chican nax te bila ya spase soc te ma jichuc ya spas te bit'il la cac'beyex anopique.

1 Tesalonicenses 4:2

Yu'un ana'ojic stojol te p'ijubtesel la calbeyex awaiyic ta swenta te Cajwaltic Jesuse.

Hechos 10:42

Soc la spasotic ta mandal te ya calbeytic sc'oplal ta stojol te lume, soc te ya cac' jbatic ta testigo te bit'il Dios la yac'beyix yat'el ta juez ta stojol te mach'atic cuxulique soc te mach'atic lajemique.

Hechos 1:2

ja' to c'alal te ic'ot moel ta ch'ulchane. Te c'alal ma to xbajt' ta ch'ulchane, la spas ta mandal ta swenta te Ch'ul Espíritu te jpuc-c'opetic te tsabil yu'une.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Mateo 7:28

Te c'alal laj yo'tan ta c'op te Jesuse, te ants-winiquetic jchajp nax la yaiyic yu'un te bila la yac' ta nopele.

San Mateo 4:23

Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

1 Timoteo 6:14

Ja' ya calbat te ya me ach'uun spasel te bila la calbat ta mandale. Ma me xawac' sts'ilaj soc ma me xawac' ta c'axintayel, ja' to te c'alal ya xchicnaj tel te Cajwaltic Jesucristoe.

San Marcos 6:12

Jich bajt'ic ta xcholel ta stojol te ants-winiquetic, swenta yu'un ya sujt'es yo'tanic ta stojol Dios.

San Lucas 23:5

Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.