San Mateo 10:6 - Bible in Tzeltal de Oxchuc y Tenejapa

⁶ Tey me ya xbaex ta bay te israeletique, melel jich c'oemic te bit'il chijetic te ch'ayemique.

Nuevo Testamento Tzeltal de Amatenango

⁶ Teꞌ me xbaex a te ba ay te jꞌisraeletike porke jich kꞌoemik te tutꞌil karneraetik te chꞌayemike.

Bible in Tzeltal Bachajón

⁶ ha nax me ya xbahex ta stojol te ch'ayem tuminchijetic yu'un Israel.

San Mateo 10:6 Referans Kwoze

Jeremías 50:6

“Te lum cu'une, jich c'otic bit'il chijetic te ch'ayique, te ma lecuc wentainbilic ta beel yu'un te jcanan-chijetic yu'unique, te la yaq'uic ch'ayuc jilel ta witstiquile. Yacalic ta beel ta yantic witstiquil, asta ch'ay ta yo'tanic te scorrale.

1 Pedro 2:25

Yu'un ta neelal jich ayex te bit'il chijetic te jowejemique. Ja'uc me to, sujt'emexix tel ta stojol te Cristoe te ja' Jcanantaywanej awu'unic stuquel te yat'elinej scanantaybel te ach'ulelique.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

Ezequiel 34:6

Pujq'uic bael ta witstiquil, pujq'uic bael ta toyol tseletic, ch'ayic bael ta spamal balumilal. Ma'yuc mach'a la smel yo'tan yu'un, soc ma'yuc mach'a ba sle tel.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Salmos 119:176

Ch'ayemon jichuc jcojt' chij, la' me, leawon, yu'un ma ba ch'ayem ta co'tan te mandaliletic awu'une.

Hechos 3:26

Te Dios la stsa te Yabate, soc la sticun tel ta atojolic, Dios la xcha'cuxes tel swenta yu'un ya yac'botic te bendicione, ja' te ya yac'botic quijq'uitaytic spasel te bila amene —xi' te Pedroe.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

Ezequiel 34:8

Melel jo'on te cuxul Ajwalilon, ya cal ta jamal: Ta spisil ta jchajp mero ilaybil sba jti'awal chambalametic la yelc'anboniquix soc la sti'boniquix te chijetic cu'une, ta scaj te ma'yuc jcanan yu'unique. Te jcanan-chijetic ja'ic nix ya scanantay sbaic stuquelic, pero ma ba ya scanantaybonic ta stsojbol te chijetic cu'une.

Hechos 26:20

Ja' sbabial la cal ta lum Damasco, soc ta patil ta lum Jerusalén, soc ta spamal sq'uinal Judea, soc ta stojol te jyanlumetique. La calbey te ya sc'an te ya yijq'uitayic te smulique, soc te ya sujt'es yo'tanic ta stojol te Diose, soc te ya sc'an xyanaj xcuxlejalic ta stojol te Diose, soc te ya sc'an ya xchicnaj ta yat'elic te bit'il sujt'emix yo'tanic ta melele.

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Ezequiel 34:4

Te ja'exe ma ba ya acoltayic te chijetic ma'yuc yipique, soc ma x'apoxtayic te ayic ta chamele, soc ma ba ya apotsbeyic te banti c'asem te yacane, soc ma ba ya xba atsobic sujt'el tel teme ay ya xjowejic ta be, ni ma ba ya aleic te jayeb ya xch'ayique. Pero lom tulan ya ac'oponic, soc sc'ajc'al awo'tanic ya awuts'inic.

San Mateo 18:11

Melel te Nich'anile tal scoltay te mach'a ch'ayeme.]