San Mateo 10:41 - Bible in Tzeltal de Oxchuc y Tenejapa

⁴¹ Te mach'a ya yic' ta sna jtul j'alwanej scaj te ticunbil yu'un te Diose, pajal me ya yich' smajt'an soc te j'alwaneje. Soc te mach'a ya yic' ta sna te mach'a toj yo'tane, pajal me ya yich' smajt'an soc te mach'a toj yo'tane.

Nuevo Testamento Tzeltal de Amatenango

⁴¹ Te machꞌa ya yikꞌ ta sna jtul jꞌalwanej skaj te jaꞌ jꞌalwanej yuꞌun te Diose, pajal me smajtan ya yichꞌ sok te jꞌalwaneje. Sok te machꞌa ya yikꞌ ta sna te machꞌa lek ta winikile, pajal me smajtan ya yichꞌ sok te machꞌa lek ta winikile.

Bible in Tzeltal Bachajón

⁴¹ Te mach'a ya yic' jtuhl jalwanej ta scuenta bin ut'il jalwanej, ya me yich' mahtanil te ha smahtan jalwanej; soc te mach'a ya yic' te mach'a toj yo'tan ta scuenta bin ut'il toj yo'tan, ya me yich' mahtanil te ha smahtan mach'a toj yo'tane.

San Mateo 10:41 Referans Kwoze

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

Génesis 20:7

Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

1 Corintios 9:17

Jich yu'un, teme ya jpas ta spasemal co'tane, la jtaix jmajt'an abi. Teme scaj utel ya jpase, yu'un nanix ac'bilon ta jwenta spasel yu'un a te Diose.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

San Mateo 6:18

Jich ma ba ya sna'ic stojol ants-winiquetic te bit'il apasojic ayuno. Ja' nax ya sna' stuquel te Tatil te bila muquen ya apasique soc ya me yac'beyex amajt'anic ta comonsitil.

Romanos 16:23

Ya me spatbeyex awo'tanic uuc te Gayo te jmajanejbey sna ta bay ya stsobilay sbaic ta spisilic te jch'uunjeletique. Soc ya spatbeyex awo'tanic te Erasto te tesorero yu'un te lume, soc uuc te quermanotic Cuarto.

San Mateo 6:6

Yan te c'alal ya ac'oponic Dios te ja'exe, ochanic ta yutil anaic. Maca te ti'naile. Tey me xac'oponic a te Jtatique te sjoinejat ta muquene. Jich me ya x'ac'botex amajt'anic ta comonsitil yu'un te bila muquen ya apasique.

Hechos 16:15

Jich ac'bot yich' ja' soc spisil te mach'a ay yu'un ta snae. Soc jich la yalbotic wocol: —Teme ana'ojiquix stojol te jun co'tan jch'uunejix te Cajwaltique, la' me talan, ainanic ta jna —xi'. Ma ba laj yo'tan. Puersa la yic'otic bael te ba ainucotic ta snae.

San Mateo 6:4

Ja' lec te muquen ya awaq'uique. Jich me ya x'ac'botex amajt'anic ta comonsitil yu'un a te Jtatic te ya yil te bila muquen ya apasique.

San Mateo 6:1

“Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

San Mateo 7:8

Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Mateo 25:44

“Jich me ya yalic: “Cajwal, ¿banti la quilticat te ayat ta wi'nal soc te ayat ta taquinti'il, soc te q'uejel talemat, soc te ma'yuc ac'u'-apaq'ue, soc te ayat ta chamele, soc te ayat ta chucjibal te ma la jc'uxtayticate?”, ya me yutic.

San Mateo 25:45

“Ja'uc me to, jich me ya yalbey: “Jamal ya calbeyex, te bit'il ma jichuc la apasbeyic jtuluc te mach'atic peq'uel ayique, jo'on te ma la apasbonic ta jtojole”, ya me yut.