San Mateo 10:36 - Bible in Tzeltal de Oxchuc y Tenejapa

³⁶ Yu'un ja' yajcontro ya xc'ot te mach'atic ay yu'un ta snae.

Nuevo Testamento Tzeltal de Amatenango

³⁶ Yuꞌun jaꞌ skontra ya xkꞌot te machꞌatik ay yuꞌun ta snae.

Bible in Tzeltal Bachajón

³⁶ Te scontra te winic ha nix te mach'atic ay yu'un ta sna.

San Mateo 10:36 Referans Kwoze

Miqueas 7:6

Melel te nich'aniletic ma lecuc yo'tanic yu'un te sme'-statique. Te ach'ixetic ya stoy sbaic ta stojol te sme'ique. Te alibaletic ya stoy sbaic ta stojol te yalib-me'elique. Te scontro juju-jtul, ja' nix te mach'a ay ta yutil snae.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Salmos 55:13

Pero ja'at atuquel te jun co'tan jbatic te mero c'ux la caiy jbatic ta neelal to,

2 Samuel 16:11

Patil la sc'opon te Abisai soc spisil te capitán-soldadoetic yu'une, jich la yalbey: —Melel ja' nix te mero jnich'an te yo'tanuc ya smilone. ¿Ja'uc to balix a te jtul sts'umbal Benjamín to? Ijq'uitayaic, ac'a yixtac'optayon. Ja' te Cajwaltic te ticunbil yu'une.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

San Juan 13:8

La yal te Pedroe: —¡Ma'yuc bi ora ya cac'bat apocbon cacan! —xi'. Jesús la yalbey: —Teme ma jpocbat awacane, ma xju' te cu'un ya xc'oate —xi'.

Isaías 19:2

Ya yal te Cajwaltique: —Ya cac'bey xat sbaic te egipcioetique, juju-jtul ja' ni me ya stsac sbaic; ja' me ya scontroin sbaic te mach'atic sjoy sbaique, te mach'atic jun yo'tan sbaic te juju-jpam lume, soc te ajwaliletique.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.