San Mateo 10:3 - Bible in Tzeltal de Oxchuc y Tenejapa

³ soc Felipe, Bartolomé, Tomás, Mateo te jc'an-patane, soc Jacobo te snich'an Alfeoe, soc Lebeo te Tadeo yan sbiile,

Nuevo Testamento Tzeltal de Amatenango

³ sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

Bible in Tzeltal Bachajón

³ Felipe, Bartolomé, Tomás, Mateo te jc'an-patan, Jacobo snich'an Alfeo, Lebeo, te Tadeo yan sbihile,

San Mateo 10:3 Referans Kwoze

Hechos 1:13

Te c'alal ayiquix ta lume, moic bael ta xcha'cajal na ta bay nainem te Pedro, te Juan, te Jacobo, te Andrés, te Felipe, te Tomás, te Bartolome, te Mateo, te Jacobo te snich'an Alfeo, soc te Simón te Zelote, soc Judas te snich'an Jacobo.

San Marcos 3:18

Soc te Andrés, Felipe, Bartolomé, Mateo, Tomás, Jacobo te snich'an Alfeo, Tadeo, soc te Simón cananistae,

San Marcos 2:14

Te c'alal yac ta beel c'axel, la yil te Leví te snich'an Alfeo, nacal ta bay ya yich' tojel spatanul te biluque. Jich la yalbey: —La', ts'aclinawon —la yut. Jich te Leví la stejc'an sba. La sts'aclin bael te Jesuse.

San Mateo 9:9

Loc' bael Jesús tey a ta bay te lume. Tey la yil jtul winic te Mateo sbiile, nacal ta banti ya yich' tojel spatanul te biluque. Te Jesús la sc'opon: —La', ts'aclinawon —la yut. Jich a jajch' te Mateoe. La sts'aclin bael.

San Juan 21:2

Stsoboj sbaic a te Simón Pedroe, soc te Tomás te Dídimo yan sbiile, soc Natanael te talem ta lum Caná ta sq'uinal Galilea, soc te snich'nab Zebedeoe soc cheb xan jnopojeletic yu'un te Jesuse.

San Juan 11:16

Jich te Tomase, te Dídimo yan sbiile, caj yalbey te yantic jnopojeletique: —Ya xbootic uuc te jo'otique, ya xba jointic ta lajel —xi'.

Judas 1:1

Jo'on Judason te abaton yu'un te Jesucristoe, soc ja' jbanquil te Jacoboe. Ya jpatbeyex awo'tanic ja'ex te ic'bilex yu'un te Jtatic Diose, soc te ch'ultesbilex yu'une, soc te canantaybilex yu'un te Jesucristoe.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Gálatas 1:19

Ja'uc me to, ma'yuc yantic jpuc-c'opetic te la quilbey site, ja' nax te Jacobo te yijts'in te Cajwaltique.

Hechos 21:18

Ta yan c'aal, la jointic bael te Pablo te ba yil te Jacoboe. Tey stsoboj sbaic ta spisilic a te ancianoetique.

Hechos 12:17

Te Pedro la sjim sc'ab ta scomel te ya slaman sbaique. Jich la xcholbey yaiyic te bit'il la yich' loq'uesel ta chucjibal yu'un te Cajwaltique. Jich la yalbey yaiyic: —Albeya yaiyic te Jacoboe soc te quermanotactique —xi'. Jich loc' bael soc q'uejel bajt' stuquel.

San Lucas 5:27

Patil loc' bael te Jesuse. La yil jtul jc'an-patan te Leví sbiile, nacal ta banti ya yich' tojel spatanul te biluque. Jich la yalbey: —La' ts'aclinawon —la yut.

Hechos 15:13

Te c'alal lajix yo'tanic ta c'ope, jajch' ta c'op uuc te Jacobo, jich la yal: —Quermanotac, aiybon awaiyic stojol te bila ya calbeyexe.

San Juan 14:22

Te Judas (ma ja'uc te Iscariotee) la sjojc'obey: —Cajwal, ¿bit'il ay a te ya awac' aba ta ilel ta jtojoltic te ma ja'uc ya awac' aba ta ilel ta stojol te mach'atic ayic ta balumilale? —xi'.

San Juan 14:9

Jesús la yalbey: —Felipe, bayalix c'aal te joinejexe. ¿Ma to bal x'ana'bon jba? Te mach'a yilojonixe, ja' yilojix uuc te Jtate. ¿Bistuc te jich la awale: “Ac'botic quiltic te Tatile”, te xaate?

San Mateo 27:56

Tey ayic soc a te María Magdalenae, soc te María te sme' Jacobo soc José, soc uuc te sme' te snich'nab Zebedeoe.

San Mateo 18:17

Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

San Marcos 15:40

Ay antsetic te q'uejel to ayic ta ilwaneje. Tey ayic soc a te María Magdalena, soc te María te sme' te jch'iel Jacobo soc te José, soc uuc te Salomé.

San Lucas 18:10

—Ay cheb winiquetic ba sc'oponic Dios ta templo. Te jtule fariseo, in te yane jc'an-patan.

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

San Lucas 19:2

Ay jtul winic tey a Zaqueo sbiil te ja' jwolwanej yu'un te jc'an-patanetique. Buen c'ulej te winique.

San Juan 1:48

La yal te Natanaele: —¿Bit'il la ana'bon jba? —xi'. La yal te Jesuse: —Quilojatix a te ma to bay yic'ojat tel a te Felipee. Ja' la quilat ta bay yanil te higo-te'e —xi'.

San Juan 14:5

La yal te Tomase: —Cajwal, ma jna'tic te banti ya xbaate. ¿Bit'il c'an jna'tic te bee? —xi'.