Biblia Todo Logo
Bib sou entènèt

- Piblisite -




San Mateo 10:2 - Bible in Tzeltal de Oxchuc y Tenejapa

2 Te sbiilic te lajchaytul jpuc-c'opetique jich ay: Te mach'a sbabiale, ja' te Simón te Pedro yan sbiile, soc te yijts'ine te Andrés sbiile, soc Jacobo soc te yijts'ine te Juan sbiile te snich'nab te Zebedeoe,

Gade chapit la Kopi

Nuevo Testamento Tzeltal de Amatenango

2 Jaꞌ sbiilik te lajchaytul jpuk-kꞌopetike: Te machꞌa naile jaꞌ te Simon te jPedro a kꞌot sbiile, sok te yijtsꞌine te jꞌAndres sbiile, sok te Jacobo sok te yijtsꞌin te Juan sbiile te xnichꞌnab Zebedeoe,

Gade chapit la Kopi

Bible in Tzeltal Bachajón

2 Hich ay te sbihilic te lahchaytuhl jpuc-c'opetique: Ha primero te Simón, te Pedro yan sbihil, soc Andrés te yihts'ine; Jacobo te snich'an Zebedeo, soc Juan te yihts'ine;

Gade chapit la Kopi




San Mateo 10:2
44 Referans Kwoze  

Te c'alal ayiquix ta lume, moic bael ta xcha'cajal na ta bay nainem te Pedro, te Juan, te Jacobo, te Andrés, te Felipe, te Tomás, te Bartolome, te Mateo, te Jacobo te snich'an Alfeo, soc te Simón te Zelote, soc Judas te snich'an Jacobo.


C'ax xan bael jtebuc te Jesuse. Tey la yil yan cheb winiquetic te yermano sbaique, ja' te Jacobo soc Juan te snich'nab Zebedeoe. Ayic ta barco soc te statique. Yacalic ta stsaquel te xchojaq'uil stsacjibal-xchayique. La yic' te Jesuse.


Te Felipe ba yalbey yaiy te Andrese. Jich bajt' xchebalic, ba yalbeyic yaiy te Jesuse.


Ay jtul jnopojel te c'opoje, ja' te Andrés te yijts'in te Simón Pedroe. Jich la yal:


Ja' nanix jich te Jacobo soc Juan te snich'nab Zebedeo te sjoy sbaic ta at'el soc te Simone. Ja'uc me to, te Jesús la yalbey te Simone: —Ma me xiwat. Ta ora to ja' awat'elix ya xc'ot te ya atsob tel ants-winiquetic ta jtojol —xi'.


Te bit'il yac ta beel c'axel ta ti'mar yu'un Galilea te Jesuse, la yil cheb winiquetic te yermano sbaique, Simón sbiil te jtule. Ja' nix te Pedro yan sbiile. Soc Andrés sbiil te yijts'ine. Yacalic ta xch'ojel ochel ta mar te stsacjibal-xchayique, melel ja' yat'elic te tsac-chaye.


“Jich yu'un te Dios te ay sp'ijil stuquele, jich la yal: “Ya jticunbeyex j'alwanejetic soc jpuc-c'opetic. Ay ya amilic soc ay ya anutsic”, te xie.


Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.


Jo'on te ancianoone, ya jpatbat awo'tan, me'tic, te tsabilat yu'un Dios soc te awalataque. Bayal c'uxex ta co'tan ta melel. Soc ma jo'ocon nax jtuquel te c'ux ya caiyex ta co'tane. Ja' c'uxex ta yo'tanic uuc spisil te mach'atic yaiyojic stojol te smelelil c'ope.


Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.


Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.


Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.


Ja' nix Dios la yac'bey majt'aniletic ta stojol juju-jtul. Ay la yac'bey yich' yat'elic ta jpuc-c'op. Ay la yac'bey yich' yat'elic ta yalel sc'op Dios. Ay la yac'bey yich' yat'elic ta xcholel te lec yach'il c'ope. Ay la yac'bey yich' yat'elic ta pastoril. Soc ay la yac'bey yich' yat'elic ta p'ijubteswanej.


Patil la yac' sba ta ilel ta stojol te Jacoboe, soc la yac' xan sba ta ilel ta stojol spisilic te jpuc-c'opetique.


La yac' ta milel ta puñal te Jacobo te sbanquil te Juane.


Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.


Jich la spasbeyic snumeroil ta na'el te mach'a tsabil ya xc'ote. Ja' c'ot ta swenta te Matiase. Jich la sjoin ta ajtayel te buluchtul jpuc-c'opetique.


Ja' nix te jnopojel te la xcholix tel ta spisil soc te la sts'ibuyix ochel ta june. Jna'ojtic stojol te melel spisil te bila ts'ibubil jilel yu'une.


Te Pedro la sujt'es sba yil, ts'acal bael ta spat te jnopojel te bayal c'ux sba ta yo'tan soc te Jesuse, soc ja' nix te mach'a slac'oj sba ta we'el soc a te la sjojc'obey: “Cajwal, mach'a a te ya yac'at ta c'abale”, te xie.


Stsoboj sbaic a te Simón Pedroe, soc te Tomás te Dídimo yan sbiile, soc Natanael te talem ta lum Caná ta sq'uinal Galilea, soc te snich'nab Zebedeoe soc cheb xan jnopojeletic yu'un te Jesuse.


Jich bajt' ta animal tey a ta ba ay te Simón Pedroe soc te yan jnopojel te bayal c'ux sba ta yo'tan soc te Jesuse. Jich c'o yalbey: —La yich'beyiquix loq'uel sbaq'uetal ta muquenal te Cajwaltique. Ma jna'tic te banti la yaq'uique —xi' c'oel.


Ay jtul jnopojel yu'un te Jesús te bayal c'ux sba ta yo'tan soque, te slac'oj sba ta we'el soque.


C'alal la sta yorail te we'ele, te Jesús la snajc'an sba ta mesa soc te jpuc-c'opetic yu'une.


Jich te Jesús la sticun bael te Pedro soc te Juane. Jich la yalbey: —Baan chajbanbotic te we'elil swenta q'uin Pascua —xi'.


Te c'alal sujt'ic tel te jpuc-c'opetique, jul yalbeyic yaiy te Jesús te bila la spasique. Jich ic'otic bael yu'un te Jesús ta bay jochol q'uinal te nopol ay ta lum Betsaida.


Jich bajt'ic ta Wits Olivailtic. Tey la snajc'an sba a te Jesús ta bay yelawinej sba soc te temploe. Te Pedro, te Jacobo, te Juan, soc te Andrés stuquelic nax tal sc'oponic.


Te c'alal loq'uic tel ta sinagoga, bajt'ic ta bay sna te Simone te ja' sna soc te Andrese. Sjoinejic bael te Jacobo soc te Juane.


La yic' xan bael te Pedro soc te cheb snich'nab te Zebedeoe. Jajch' ta buen mel-o'tan, soc jajch' ta woclajel.


Tal ta stojol Jesús te sme' te snich'nab Zebedeoe. Sjoinej tel te cheb yalataque. Te antse la squejan sba ta stojol Jesús, yu'un ay bi ya sc'anbey.


Waqueb c'aal ta patil te Jesús la yic' bael te Pedro, te Jacobo, soc te yijts'ine ja' te Juane. Stuquelic nax ic'otic moel yu'un Jesús ta bay muc' toyol wits.


Jo'on Juanon te la caiy stojol soc te la quil ta jsit spisil in to. Te c'alal la caiy stojol soc te la quile, la jpajc'an jba ta yacan te ch'ul abate, yu'un c'an jlajin jba ta stojol.


Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.


Jo'on, te ancianoone, ya jpatbat awo'tan, ja'at quermano Gayo, te c'uxat ta co'tan ta melele.


Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.


Patil te jpuc-c'opetique la stsob sbaic soc te Jesuse. Caj xcholic spisil te bila la spasique soc te bila la yaq'uic ta nopele.


Jich te Jesús la sjojc'obey yaiy te lajchaytule: —¿Ya bal sujt'ex bael uuc te ja'exe? —xi'.


Jesús la yal: —Jo'on la jtsaex te lajchaytulexe, ja'uc me to, ta alajchaytululic ay jtul pucuj tey a —xi'.


Te bit'il jich la yale, ja' la yalbey sc'oplal te Judas te snich'an Simón Iscariote, yu'un ja' ya x'ac'ot ta c'abal yu'un, manchuc teme jun nax ay soc te lajchaytulique.


Swiv nou:

Piblisite


Piblisite