San Mateo 10:18 - Bible in Tzeltal de Oxchuc y Tenejapa

¹⁸ soc ya me yiq'uex bael ta stojol ajwaliletic soc ta stojol muc' ajwaliletic ta jo'on jwenta. Jich me ya awalic testigo-c'op ta stojolic soc ta stojol te jyanlumetique.

Nuevo Testamento Tzeltal de Amatenango

¹⁸ sok ya me yikꞌelex bael ta stojol juꞌeletik sok ta sit gobierno ta skaj te achꞌuunejikone. Jich me testigo ya xkꞌoex kuꞌun te stojolik sok ta stojol te machꞌa ma snaꞌbeyik sba te Diose.

Bible in Tzeltal Bachajón

¹⁸ Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

San Mateo 10:18 Referans Kwoze

San Marcos 13:9

“Te ja'exe tsajtaya me abaic. Melel ya me x'ac'otex ta sc'ab te muc'ul tsobleje, soc ya me awich'ic majel ta bay te sinagogaetique. Ya me awich'ic tejc'anel ta stojol ajwaliletic soc ta bay muc' ajwaliletic ta scaj te ach'uunejonique. Jich me testigo ya xc'oex cu'un ta stojolic.

San Mateo 8:4

Jesús la yalbey te winique: —Ya calbat, ma me mach'a xawalbey yaiy. Ja' nax baan, ac'a aba ta ilel ta stojol te sacerdotee. Soc ac'beya smajt'an te Diose, jich te bit'il yaloj mandal te Moisese. Jich me ya sna'ic stojol te bit'il ch'ayemix te achamele —la yut bael.

Apocalipsis 11:7

Ja'uc me to, c'alal ju'ix yu'unic a te yat'elic ta testigoe, ya me xloc' tel ta xaab te muc'ul chambalam te xi'bantic sbae. Ya me spasic guerra soc ya me stsalotic yu'un, soc jc'axel ya xmilotic yu'un.

Apocalipsis 6:9

Te c'alal la sjam te yo'ebal sello te Alalchije, la quil te ay xch'ulelic ta bay yanil te xchic'jibal milbil smajt'an Dios te jayeb mach'atic la yich'ic milel ta scaj te sc'op Dios soc te jun yo'tan la yalic ta testigo te bila xch'uunejique.

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

2 Timoteo 1:8

Jich yu'un ma me xq'uexawat yu'un te ya awalbey sc'oplal te Cajwaltique; soc ma me xq'uexawat cu'un uuc te bit'il ayon ta chuquel ta swenta. Ts'ica awocol uuc te melel pajal ya jta jwocoltic ta swenta te lec yach'il c'op te ya caltique. Ja'uc me to, ya scoltayotic ta swenta yu'el te Diose.

Salmos 119:46

Ya me calbey ta stojol muc' ajwaliletic te mandaliletic awu'un, ma ba ya xtal q'uexlal ta co'tan yu'un.

San Mateo 10:17

Tsajtaya me abaic ta stojol te ants-winiquetique, melel ya me yaq'uex ta sc'ab te muc'ul tsobleje, soc ya me yac'beyex castigo ta sinagogaetic,

San Mateo 10:19

Ja'uc me to, te c'alal ya x'ac'otex ta c'abale, ma me xjajch' amel awo'tanic yu'un te bit'il ya sc'an ya xc'opojexe soc te bila ya xc'o awalique. Melel te bi ora ya xc'opojexe, Dios me ya yac'beyex awalic te bila ya sc'an te ya awalique.