San Mateo 10:16 - Bible in Tzeltal de Oxchuc y Tenejapa

¹⁶ “Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Nuevo Testamento Tzeltal de Amatenango

¹⁶ “Ilawilik ya jtikonex bael jich tutꞌil karnera ta yolil te genteetike te pajal sok jweꞌawal teꞌtikil tsꞌiꞌetik ta atojolike. Pꞌijanik me jich tutꞌil pꞌij te chane. Sok manso me xꞌawakꞌ abaik ta stojol te genteetike jich tutꞌil manso te palomae.

Bible in Tzeltal Bachajón

¹⁶ Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

San Mateo 10:16 Referans Kwoze

San Lucas 10:3

Baanic me jiche. C'otuc me ta awo'tanic te bit'il jich c'oemex te bit'il alal chijetic te ya jticunex bael ta bay yolil te jti'awal ja'mal ts'i'etique.

Filipenses 2:15

Jich ma x'ata amulic a, soc ma me ayuc bila quechel ta awentaic. Jich me lequil alnich'anex yu'un Dios ta yolil te ants-winiquetique te amen yo'tanique soc te ixta yo'tanique. Jich me xojobajemex ta yolilic te bit'il eq'uetic te ya xojobaj ta ijc' q'uinale.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

Colosenses 4:5

Ya sc'an te ayuc sp'ijil awo'tanic te ya x'ainex ta yolil te mach'atic ma ba xch'uunejic te Diose. Ayuc me swentail te ya xc'ax c'aal awu'unic spisil ora.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Hechos 20:29

Jna'oj stojol te ay ya xtal yantic te c'alal baemonix ae, te ya xtal yuts'inex jich bit'il ya yuts'in chijetic te jti'awal ja'mal ts'i'etique.

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

1 Tesalonicenses 5:22

Ijq'uitayaic me jilel spisil te bila amene.

2 Corintios 11:14

Tojol teme q'uejel nax q'uinal ya caiytic yu'un te bila ya spasique, melel jich uuc te Satanase, ya scuy sba ta ch'ul abat yu'un saquil q'uinal.

Génesis 3:1

Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

1 Tesalonicenses 2:10

Te ja'exe testigoex cu'un soc ja' testigo uuc te Diose, te bit'il ch'ultesbil co'tan soc toj nax ainon ta atojolic ja'ex te ch'uunjelexe. Ma'yuc bay la jta jmul ta atojolic.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

2 Corintios 8:20

Ja' ya jc'antic te ma'yuc mach'a ya slebotic jmultic yu'un te coltayel te c'ax bayal te jwentainejtic stsobele.

Génesis 3:13

Jich yu'un te Cajwaltic Dios la sjojc'obey te antse: —¿Bi yu'un jich la apas? —xi'. La yal te antse: —Ja' la slo'layon te chane, jich la jlo' te sit te'e —xi'.

Jeremías 40:16

Ja'uc me to, te Gedalías la sjac': —¡Ma me xapas! Te bi ya awal yu'un te Ismael, ma meleluc —xi'.

Oseas 7:11

Te Efraín jich c'oem te bit'il stsumut, ma sna' q'uinal, mero ma'yuc sp'ijil. Ya sc'anic coltayel ta Egipto, soc ora ya xba sc'anic coltayel ta Asiria.

San Mateo 24:25

La me calbeyex neeluc.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

San Mateo 25:2

Ay jo'tul tey a te ma p'ijuc yo'tanique, soc ay jo'tul te p'ij yo'tanique.

San Mateo 25:4

Yan te mach'atic p'ij yo'tanique, la yich'ic bael te yawil sc'ajq'uique, soc la to yich'ic xan bael aceite ta juju-jtul.

San Mateo 25:9

Te ach'ixetic te p'ij yo'tanique, la yalic ta spisilic, “Ma niwan. Ma tic'uc a te ya xtuun cu'un jo'otic soc te ja'exe. Ja' lec baan manaic tel te banti ya xchonote”, la yutic.

Nehemías 4:13

Ja' yu'un la cal mandal te ya xchap sbaic ta juju-jchajp na. Ac'a yac' sbaic ta spat ta ye'tal te joyob ts'ajq'ue, soc ta banti jamajtic toe, soc ya me yich' ta sc'abic spuñalic, slanzaic soc st'imalte'ic.