San Mateo 10:15 - Bible in Tzeltal de Oxchuc y Tenejapa

¹⁵ Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

Nuevo Testamento Tzeltal de Amatenango

¹⁵ Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

Bible in Tzeltal Bachajón

¹⁵ Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

San Mateo 10:15 Referans Kwoze

2 Pedro 2:6

Dios la yac'bey tulan castigo te cheb lumetic, ja' te Sodoma soc te Gomorrae. Tan a jilic ta c'ajq'uel yu'un. Ja' ejemplo jilem ta stojolic spisil te ants-winiquetic teme ma sc'an yich'ic ta muc' te Diose.

1 Juan 4:17

Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

2 Pedro 3:7

Yan ta ora to, te ch'ulchan balumilal te chicane, quechelic ta lajel ta c'ajq'uel. Ya me xlaj ta c'ajq'uel te bi ora ya x'ich'otic ta c'op te mach'atic ma la xch'uunic te Diose, te jich ya x'ac'otic bael ta lajele.

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

San Marcos 6:11

Teme ay lum te ma sc'an yiq'uexe, soc teme ma sc'an yaiyic stojole, loc'anic bael tey a. Tijt'ana jilel te stanul awacanique. Ja' me seña ya yilic te ma ja'uc ta awentaic te ma la xch'uunique, —xi' te Jesuse.

San Mateo 12:36

Soc ya calbeyex awaiyic, spisil ta jp'al c'op te ma'yuc swentail ya yal loq'uel ta ye te ants-winiquetique, ya me x'ich'bot sc'opic yu'un Dios ta slajibal c'aal.

San Mateo 5:18

Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

San Mateo 7:22

Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

San Juan 6:39

Te bila ya sc'an yo'tan te Jtat te la sticunon tele, ja' te ma ba ya xch'ay cu'un jtuluc te jayeb mach'a yac'ojbonix ta jwentae, soc ya me jcha'cuxes tel ta slajibal c'aal.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

San Juan 12:48

Te mach'a ya sp'ajone, soc teme ma xyich' ta muc' te jc'ope, ay mach'a ya x'ac'ot ta castigo yu'un. Ja' te jc'op ya cale, ja' ya x'ac'ot ta castigo yu'un ta slajibal c'aal.

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

1 Corintios 3:13

Te yat'el juju-jtule ya me xchicnaj te bi yilele, melel ya me sta sc'aalelal te ya yich' tsajel ta c'ajc' te yat'el ta juju-jtule.

1 Tesalonicenses 5:4

Yan te ja'ex quermanotac, ma'yuquex ta ijc' q'uinal te yu'un ch'ayem atsaic a te ya sta sc'aalelal te Cajwaltique, jich bit'il c'alal ya xtal te j'eleq'ue.

Hebreos 10:25

Soc ma me quijq'uitaytic te bit'il ya jtsobilay jbajtic, jich bit'il ay mach'atic ma sc'aniquix te ya stsobilay sbaique. Ya sc'an ya jech calbey jbajtic te ya jtsobilay jbajtique. C'axem to xan ac'a me jpastic te bit'il nopolix yorail ya xtal te Cajwaltique.

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.