San Mateo 10:14 - Bible in Tzeltal de Oxchuc y Tenejapa

¹⁴ Teme ay mach'a ma la sc'an yiq'uex ta snae, soc teme ma la sc'an yaiybeyex stojol ac'opique, loc'anic tel ta sna, o ja' te lume. Tijt'ana jilel te stanul awacanique.

Nuevo Testamento Tzeltal de Amatenango

¹⁴ Teme maꞌ skꞌan a snajkanexe, sok teme maꞌ skꞌan a yaꞌiybeyex sluwar te akꞌopike, lokꞌanik tel te ba snae, o lokꞌanik bael te ba jtejklume. Tijtina jilel te stanil awokike.

Bible in Tzeltal Bachajón

¹⁴ Teme ay mach'a ma ba ya yiq'uex ochel soc teme ma ba ya sc'an ya ya'iybeyex te ac'opique, loc'anic bahel ta na o ta pueblo tey a, soc tihtina hilel slumil awoquic.

San Mateo 10:14 Referans Kwoze

Hechos 18:6

Ja'uc me to, te judioetic jajch' scontroinic te Pabloe soc la stoybac'optayic. Te Pablo jich la yal ta slilanel te sc'u'e: —Ay ta awenta atuquelic teme ch'ayel ya xbaexe. Te jo'one, ma jwentauc ya xc'ot. Ta ora to, ja' ya xba calbey yaiy lec yach'il c'op te jyanlumetique —la yut jilel.

Nehemías 5:13

Soc xan la jlilin te jc'u'e, jich la cal: —Jich ac'a yich' lilanel loq'uel yu'un Dios ta sna soc ta sq'uinal spisilic te mach'atic ma ba ya yaq'uic c'otuc ta pasel te bitic jc'axel la yaliquixe. Jich ac'a yich'ic pojel spisil te bitic ay yu'unic ta ora in to —xoon ta stojolic. Ta spisilic te winiquetic la sjaq'uic: —Jichuc —xiic. Soc la yalbeyic yutsil sc'oplal te Cajwaltique. Te jlumal la spasic te bila la yalique.

Hechos 13:51

Jich te Pablo soc te Bernabé la scusic jilel stanul yacanic swenta seña te ay ta swentaic stuquelic te ma xch'uunique. Jich bajt'ic ta lum Iconio.

San Lucas 9:5

Te banti ma xyiq'uex ochele, loc'anic bael tey a. Tijt'ana jilel te stanul awacanique. Ja' me seña ta stojolic te ma ja'uc ta awentaic te ma xch'uunique —xi' te Jesuse.

San Marcos 6:11

Teme ay lum te ma sc'an yiq'uexe, soc teme ma sc'an yaiyic stojole, loc'anic bael tey a. Tijt'ana jilel te stanul awacanique. Ja' me seña ya yilic te ma ja'uc ta awentaic te ma la xch'uunique, —xi' te Jesuse.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

San Juan 13:20

Te mach'a ya yic' ta stojol te mach'a jticuneje, jo'on la yic'onix ta stojol abi. In te mach'a ya yic'on ta stojole, ja' la yiq'uix ta stojol uuc te Mach'a la sticunon tele —xi' te Jesuse.

San Marcos 9:37

—Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix ta stojol abi. In te mach'a la yic'onix ta stojole, ma jtuqueluc nax te yic'ojone, ja' la yiq'uix ta stojol uuc te mach'a la sticunon tele —xi' te Jesuse.

San Mateo 18:5

Soc te mach'a jo'on ta jwenta te ya yic' ta stojol jtul alal jich bit'il in to, jo'on la yic'onix abi.

San Lucas 9:48

Jich la yal: —Te mach'a jo'on ta jwenta te ya yic' ta stojol jtuluc alal jich bit'il in to, jo'on la yic'onix abi. In te mach'a ya yic'on ta stojole, ja' la yiq'uix uuc te mach'a la sticunon tele. Jich yu'un te mach'a peq'uel ay ta awolilique, ja' me muc' stuquel —xi' te Jesuse.

San Mateo 10:13

Teme lec yo'tanic te yajwal nae, lamal q'uinal ya yaiyic ya xc'ot. Yan teme ma lecuc yo'tanique, ja' ya me sujt' ta awentaic te lamal q'uinale.