San Mateo 1:23 - Bible in Tzeltal de Oxchuc y Tenejapa

²³ “Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Nuevo Testamento Tzeltal de Amatenango

²³ “Ay jtul soltera achꞌix ay me tut ya sta, ya me xꞌayin chꞌin yal. Te sbiil ya xkꞌot awuꞌunike: Emanuel”, xchi me. Te tutꞌil Emanuel xchi te sbiile, “Sjoyinejotik te Diose”, xchi kꞌoem.

Bible in Tzeltal Bachajón

²³ Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

San Mateo 1:23 Referans Kwoze

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

2 Timoteo 4:22

Ac'a ainuc ta awo'tanic te Cajwaltic Jesucristoe, soc ac'a yac'beyex bayal yutsil yo'tan ta apisilic. Jichuc.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Hechos 18:9

Te Pablo c'oponot ta ajc'ubal ta stelemal yilel yu'un te Cajwaltique. Jich albot yu'un: —Ma me xiwat, c'opojan me. Ma me x'acom aba,

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

San Mateo 1:24

C'alal wijc' sit te Joseje, jich la spas te bila mandal albot yu'un te ch'ul abate. La yic' yinamin te Mariae,

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

San Lucas 20:44

¿Bit'il ay jiche te ja' sts'umbal David te Cristoe? Melel “Cajwal”, xi' te Davide —xi' te Jesuse.