San Mateo 1:22 - Bible in Tzeltal de Oxchuc y Tenejapa

²² Spisil in to c'ot ta pasel swenta yu'un jich me ya xc'ot te bila yaloj te Cajwaltic ta swenta te j'alwanej yu'une:

Nuevo Testamento Tzeltal de Amatenango

²² Spisil ito kꞌot ta pasel yuꞌun jich me ya xkꞌot te tut yaloj te Kajwaltik ta skuenta te jꞌalwanej yuꞌune:

Bible in Tzeltal Bachajón

²² Ta spisil ini hich c'oht ta pasel scuenta yu'un hich ya xc'oht a te bin yaloj te Cajwaltic ta scuenta te jalwanej, te hich la yal:

San Mateo 1:22 Referans Kwoze

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Mateo 2:23

Jich c'o ainuc ta lum Nazaret te ay ta sq'uinal Galilea. Jich c'ot ta pasel te bila yaloj te j'alwanejetic yu'un Dios te ja' Nazaret sbiil ya xc'ot te Jesuse.

1 Reyes 8:15

Jich la yal: —Bin nax yutsil te Cajwaltic, te Dios cu'untic te israelotique, melel c'otix ta pasel te bi la yalbey te David, ja' te jtat, te bit'il jich la yalbeye:

Hechos 3:18

Dios la sc'otes ta pasel te bila la yal ta namey q'uinal ta swenta sti' spisil te j'alwanejetic yu'un te ya xc'ax swocol te Cristoe.

1 Reyes 8:24

La awac' c'otuc ta pasel te bila la awalbey te awabat David, ja' te jtate. Ja' te la awal ta jamale, soc ac'ab la awac' c'otuc ta pasel, jich bit'il c'otix ta pasel.

San Juan 18:9

Jich c'ot ta pasel te bila la yal te Jesuse: “Te mach'atic la awac'bon ta jwentae, jtul ma ch'ay cu'un”, te xie.

San Mateo 13:35

Te bit'il jich c'opoj te Jesuse, ja' c'ot ta pasel te bila yaloj te namey q'uinal j'alwanej yu'un te Diose te jich la yale: “Ya me jam que ta yalel seña-c'op. Ya me cal te bila ma ba ac'ot ta na'el stojol ta xjajch'ibal to tel te balumilale”, te xie.

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

San Juan 17:12

Te c'alal joinej to ta balumilal a, la jcanantay ta swenta awu'el te mach'atic la awac'bon ta jwentae. Spisil la jcanantay, jtul ma ch'ay cu'un. Ja' nax ch'ay stuquel te mach'a ay nanix ta swenta te ch'ayele, swenta yu'un jich ya xc'ot ta pasel te bila ts'ibubil jilele.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 10:35

Jich yu'un Dios la yal te ja' diosetic te mach'atic ac'bot ta swentaic te sc'op Diose. Jpisiltic jna'ojtic stojol te ma xju' ta ch'ayel te bi ya yal te Sjun Diose.

San Mateo 13:21

Ja'uc me to, ma ismajemuc ta yo'tan te bila la yaiy stojole. Teme tal woclajel soc uts'inel ta stojol ta scaj te Sc'op Diose, ya xchebaj yo'tan ta ora yu'un.

San Mateo 12:17

Jich la yal swenta yu'un jich ya xc'ot ta pasel te bila la yalbey jilel sc'oplal ta namey te j'alwanej yu'un Dios te Isaías te jich la yale:

San Mateo 2:15

Tey ainic a ja' to c'alal laj te Herodese. Ja' in to, ja' c'ot ta pasel te bila yaloj Cajwaltic ta swenta te j'alwanej yu'une: “Ta Egipto la quic' loq'uel tel te jnich'ane”, te xie.

San Mateo 8:17

Jich c'ot ta pasel te bila ts'ibubil jilel yu'un te j'alwanej yu'un Dios te Isaías sbiil te jich la yale: “Ja' la yich'botic spisil te jchameltique, soc ja' la sts'ic spisil te bila c'ux la caiytique”, te xie.

San Mateo 5:17

“Ma me xacuyic te tal jlajinbey sc'oplal te mandalile soc te bila ts'ibubil jilel yu'un te j'alwanejetic yu'un te Diose. Ma ba tal jlajinbey sc'oplal, melel tal cac' c'otuc ta pasel.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Apocalipsis 17:17

Dios yac'ojbey ta yo'tanic te ya spasbeyic te bila ya sc'an yo'tan stuquel te bit'il jun nax te bila snopojique soc te ja' yajwalinejic stuquel te muc'ul chambalam te xi'bantic sbae, ja' to c'alal ya xc'ot ta pasel te sc'op Diose.

Romanos 1:2

Ja' nix te lec yach'il c'op te albil sc'oplal yu'un Dios ta Xch'ul Sjun ta swenta te j'alwanejetic yu'une.