San Mateo 1:1 - Bible in Tzeltal de Oxchuc y Tenejapa

¹ Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.

Nuevo Testamento Tzeltal de Amatenango

¹ Jaꞌ to jaꞌ slistaul te machꞌatik nail tal yuꞌun te Jesucristoe te stsꞌumbal te jDavide, te jaꞌ stsꞌumbal te jꞌAbrahame.

Bible in Tzeltal Bachajón

¹ Ha shunal te cajalcaj me'iltatiletic yu'un Jesucristo, sts'umbal David, sts'umbal Abraham.

San Mateo 1:1 Referans Kwoze

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Gálatas 3:16

Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.

Romanos 1:3

Ja' bi ja' sc'oplal te Cajwaltic Jesucristo te ja' Snich'an Dios stuquel. Ja' sts'umbal te muc' ajwalil David ta swenta sbaq'uetal.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Salmos 132:11

Te Cajwaltic ay bila mero jc'axel yaloj ta stojol David, mero jc'axel yaloj te ma xju' ya sujt'es sc'op:

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.

Isaías 11:1

Ta xchumante'al Isaí sbiil ya xloc' tel spul; ya xt'om loq'uel tel spul ta bay yisim.

San Juan 7:42

Melel ts'ibubil ta Sjun Dios te ja' sts'umbal muc' ajwalil David te Cristoe soc ta lum Belén ya xtal te ja' slumal te Davide —xiic yu'un.

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Hechos 2:30

Te Davide, j'alwanej yu'un te Diose. Jich sna'oj te bila yaloj Dios ta stojol te ja' ta swenta sts'umbal ya yich' chicnantesel yu'un Dios te Cristoe, te ja' sjelol ta smuc'ul nactijib ya xc'ote.

San Mateo 1:18

Te bit'il ayin te Jesucristoe, jich ay: Te sme'e, ja' te Mariae, chapalix te ya xnujbin soc te Joseje. Ja'uc me to, ma to bay yic'oj sbaic a, chicanix te yic'ojix alal ta swenta te Ch'ul Espiritue.

Isaías 53:8

Ma'yuc swentail la yiq'uic bael, ma'yuc mach'a c'opoj yu'un; ma'yuc mach'a la smel yo'tan yu'un. La sloq'uesic bael ta q'uinal, la yaq'uic ta lajel ta swenta smulic te lum cu'une.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

Romanos 4:13

Ma ta swentauc xch'uunel te mandalil te albot yu'un Dios te Abraham te ya x'ac'bot yu'unin soc sts'umbal te balumilale. Toj ilot yu'un Dios ta swenta nax te xch'uunjel yo'tane.

San Mateo 15:22

Ay jtul cananea-ants nainem tey a. Tulan c'opoj ta yalel wocol: —Cajwal, sts'umbalat David, c'uxtayawon soc te cantsil-ale. Yu'un ay pucuj ta yo'tan. Bayal ay ta uts'inel yu'un —xi' ta aw.

San Mateo 9:27

Te c'alal loq'uix bael tey a te Jesuse, ay cheb ma'sitetic te la sts'aclinic baele. Jajch' yawtayic: —Sts'umbal David, c'uxtayawotic —xiic.

Jeremías 33:26

Jich yu'un, ma'yuc bi ora ya jch'oj bael ta co'tan sts'umbal Jacob soc David te cabate; ma xch'ay cu'un ta tsael loq'uel ta yolilic te mach'atic ya xmandalajic ta stojol te sts'umbal Abraham, Isaac soc Jacob. Melel te jo'one ya me jna'bey yo'bolil sbaic, soc ya me cac'bey xan yutsilalic —xi' te Cajwaltique.

Génesis 2:4

Jich ay sc'oplal bit'il chicnaj te ch'ulchan balumilale. Te c'alal pastaj yu'un Cajwaltic Dios te balumilal soc te ch'ulchane,

San Mateo 3:16

C'alal la yich'ix ja' te Jesuse, loc' tel ta ja'. Ora jam te ch'ulchane. La yil coj tel te Espíritu yu'un Dios, jich bit'il stsumut te jul ta stojole.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.

Amós 9:11

Ya yal te Cajwaltic: —Ya me sta sc'aalelal te ya jpas ta yan buelta te sna David te jineme. Ya jmacbey te bay jinemic, ya jach te jinem ts'ajq'uetic. Jich nix ya jcha'pas xan te bit'il namey tele,

Génesis 5:1

Jich ay te lista yu'un sts'umbal Adán. C'alal Dios la spas te ants-winic, pajal yilel soc Dios te la spase.

Salmos 89:36

ja' ya sjelolin ta muc' ajwalil te patil alnich'anetic yu'un ta spisil te jayeb c'aal lec ay te c'aale.

Salmos 89:3

La apas trato ta stojol te David, jc'axel jich la awalbey te tsabil abat awu'une:

San Mateo 1:2

Abraham, Isaac, Jacob, Judá soc te yermanotaque,

San Lucas 1:33

Sbajt'el me q'uinal ay ta ajwalinel yu'un te lum Israele. Ma'yuc bi ora ya xlaj yat'el ta muc' ajwalil —xi' te ch'ul abate.

1 Timoteo 2:5

Jun nax Dios ay, soc jtul nax te mach'a teq'uel ta c'op ta stojol Dios yu'un te ants-winiquetique, ja' bi, ja' te winic Jesucristoe.

2 Timoteo 2:8

Juluc me ta awo'tan te Jesucristo te cha'cuxesot tel ta bay te animaetique, soc te ja' sts'umbal te muc' ajwalil Davide, jich bit'il ya yal te lec yach'il c'op te yacon ta xcholele.