San Marcos 4:3 - Bible in Tzeltal de Oxchuc y Tenejapa

³ —Aiya me awaiyic stojol in to, ay jtul j'awal te loc' ta swajel te yawale.

Nuevo Testamento Tzeltal de Amatenango

³ —Aꞌiya awaꞌiyik to: Ay jtul winik te bajt ta tsꞌunbajel.

Bible in Tzeltal Bachajón

³ A'iya me awa'iyic: Ay jtuhl jts'umbajel loc' ta slihlinel sts'unub;

San Marcos 4:3 Referans Kwoze

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

San Mateo 13:26

Ch'i te awalile, chicnaj te site. Tey chicnaj uuc te cizaña-aque.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Apocalipsis 2:29

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique —xi'.

Apocalipsis 2:11

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te mach'a jayeb ya xju' yu'un tsalawe, ma ba ya xc'ax swocol yu'un te xchebal buelta lajele —xi'.

Apocalipsis 2:7

Te mach'a ay xchiquine, ac'a me yaiy stojol te bila ya yal te Espíritu ta stojol te jch'uunjeletique. Te jayeb mach'a ya xju' yu'un tsalawe, ya me cac'bey slo' te sit te' swenta cuxinel sbajt'el q'uinal, te ay ta bay yolil te yawal-sts'unub te Diose —xi'.

Hechos 2:14

Jich te Pedro tejc'aj jajch'el soc te buluchtul sjo'tac ta jpuc-c'opile. Tulan c'opoj ta yalel sc'oplal ta jamal: —Te ja'exe, judioetic, soc ta apisilic uuc ja'ex te nainemex ta Jerusalén, aiya me awaiyic stojol te bila ya calbeyexe. Ac'a c'otuc ta awo'tanic te bit'il ay in to.

San Marcos 4:23

Te mach'a ay xchiquine, ac'a me yaiy stojol ta lec —xi' te Jesuse.

San Marcos 4:14

Te mach'a ya yaiy awal, ja' me te mach'a ya xchol te sc'op Diose.

San Marcos 4:9

Soc jich la yalbey yaiyic: —Te mach'a ay xchiquine, ac'a me yaiy stojol ta lec —xi'.

San Mateo 13:24

Jesús la yal yan seña-c'op. Jich la yal: —Te bit'il ay ta ajwalinel te Dios te ay ta ch'ulchane, jich c'oem te bit'il la sts'un lequil awalil ta sq'uinal te jtul winique.

San Mateo 13:3

Te Jesús bayal bila caj yalbey yaiyic ta swenta seña-c'op. Jich la yal: —Ay jtul j'awal loc' ta swajel te yawale.

Isaías 46:12

Aiybon awaiyic, ja'ex te tulan awo'tanique, te yacalex ta yalel ta awo'tanic te bayal to c'aal ta jyalel te ya x'ochex ta libre.

Isaías 46:3

Te Cajwaltic ya yal: —Aiybon awaiyic stojol, ja'ex sts'umbalex Jacob, apisilic te cuxulex xan te israelexe: Jo'on jcuchojex te c'alal ma to x'ayinex ae; la jpetex bael ta jc'ab.

Eclesiastés 11:6

Ts'una te ats'unub ta sabe, soc ts'una xan ta mal c'aal, melel ma xju' awu'un sna'el bay lec ya xc'ot, teme ja' lec ya xc'ot te neel la ats'une o ja' te patilix la ats'un, o teme lec ya xc'ot xchebalique.

Proverbios 8:32

“Yo'tic, cal-jnich'an, aiybon awaiyic jc'op; nopbonic co'tan, jich me bayal awutsil ya xc'oex a.

Proverbios 7:24

Ja' yu'un jiche, jnich'an, aiybon awaiy te jc'ope, ac'a me achiquin a.

Salmos 45:10

Cantsil-nich'an, aiya me awaiy ta lec te bila ya calbate: Ch'aya me ta awo'tan te ame'-atat, ch'aya me ta awo'tan te alumale.

Salmos 34:11

La'ic, cal-jnich'nab, aiybon awaiyic stojol jc'op; ya jp'ijubtesex ta yich'el ta muc' te Cajwaltique.

San Marcos 4:2

Ay bayal bila la yac'bey snopic ta swenta seña-c'op. Jich la yal ta p'ijubteswanej:

San Marcos 4:4

C'alal yac ta swajel a te yawale, ay tujq'uej jilel ta be. Tal te ja'mal mutetique. La sbiq'uic te awalile.