San Lucas 9:58 - Bible in Tzeltal de Oxchuc y Tenejapa

⁵⁸ La yalbey te Jesuse: —Te waxetique ay xch'enic. Soc te ja'mal mutetique ay spechechic stuquelic. Yan te Nich'anile ma xwejt' te banti ya smejts'an sba ta wayele —xi' te Jesuse.

Nuevo Testamento Tzeltal de Amatenango

⁵⁸ La sjakꞌ te Jesuse: —Te zoroetike ay snaik ta chꞌen, sok te teꞌtikil mutetike aylan xpechechik. Yan te Nichꞌanile, ma xwejtꞌ ba ya xway stukel —xchi te Jesuse.

Bible in Tzeltal Bachajón

⁵⁸ Halbot yu'un te Jesús: Te waxetic ay sch'enic, te ha'mal mutetic ay spechechic, pero te Nich'anil ay ta scuenta winic mayuc banti ya smehtsan sjol stuquel, xchi.

San Lucas 9:58 Referans Kwoze

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

Santiago 2:5

Quermanotac te bayal c'uxex ta co'tane, aiya awaiyic stojol in to: ¿Ma bal ja'uc tsabilic yu'un Dios te mach'atic me'ba ayic li'to ta balumilale? Melel ja' sc'ulejalic ya xc'ot te ay xch'uunjel yo'tanique, soc te ya x'ac'bot ainuquic tey a ta bay ay ta ajwalil te Diose, jich te bit'il yalojbey sc'oplal spisil te mach'atic c'ux ya yaiyic ta yo'tanic te Diose.

Salmos 84:3

Cajwal cu'un te Spisil ya xju' awu'une, Muc' Ajwalilat cu'un, soc Diosat cu'un, asta te ts'unun-mut soc ulich ya staic yawil ta scajtijib ta chiq'uel amajt'an ta banti ya xju' ya spasbey spechech xch'in yalatac.

2 Corintios 8:9

Melel ana'ojiquix te bit'il ay yutsil yo'tan te Cajwaltic Jesucristoe. Manchuc teme ay sc'ulejale, ta swenta xc'uxul yo'tan awu'unic te la sc'atp'un sba ta me'ba, swenta yu'un jich me ya yac'beyex ac'ulejalic ta swenta bit'il la yac' sba ta me'ba stuquel.

San Mateo 13:32

Manchuc teme biq'uit ay yu'un spisil te yantic sbac' awalile, ja'uc me to, muc' ya xc'ot ta ch'iel, c'ax jich te bit'il yantic awalts'unubile, soc jich ya xc'ot bit'il jpejt' te'. Te ja'mal mutetique, ya xtal spas xpechechic tey a ta bay te sc'abc'abe —xi' te Jesuse.