San Lucas 9:46 - Bible in Tzeltal de Oxchuc y Tenejapa

⁴⁶ Te jnopojeletic yu'un te Jesuse, jajch' yalbey sbaic te mach'a muc' ya xc'ot yu'unic ta spisilique.

Nuevo Testamento Tzeltal de Amatenango

⁴⁶ Jich te jnopojeletik yuꞌun te Jesuse lijk sjojkꞌobe sbaik te machꞌa mukꞌ kꞌoem yuꞌunik te ta spisilike.

Bible in Tzeltal Bachajón

⁴⁶ Talel c'axel hahch yalbe sbahic mach'a a te muc' ya xc'oht.

San Lucas 9:46 Referans Kwoze

3 Juan 1:9

Te jo'one la jpasbey scarta te jch'uunjeletic te banti ayate, ja'uc me to, te Diótrefes, ma ba ya yich'bon ta muc' te cat'el quich'oje, melel ja' ya smulan te stuquel ya x'ich'ot ta muc' ta yolil te quermanotactique.

Filipenses 2:3

Ma me xale atuquelic te bila ya awac' abaic ta ich'el ta muc' yu'un ta swenta atoybaelic te juju-jtulexe. Peq'uel me xawac' abaic. Ja'uc me cajal sc'oplal ta awo'tanic te mach'atic jun ayex soque.

Filipenses 2:14

Spisil te bila ya apasique, ma me xamuquen ayantay abaic yu'un, soc ma me xjajch' c'op awu'unic a.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.