San Lucas 9:45 - Bible in Tzeltal de Oxchuc y Tenejapa

⁴⁵ Te jnopojeletique ma c'ot ta yo'tanic te bila la yale, Dios ma ba ac'bot sna'ic stojol yu'un. Soc la xi'ic te ya sjojc'obeyic xan te Jesuse.

Nuevo Testamento Tzeltal de Amatenango

⁴⁵ Pero te jnopojeletike ma kꞌot ta yoꞌtanik te tuti altalanbote, yuꞌun ma akꞌtalanbot snaꞌ yuꞌun te Diose, sok la xiꞌik te ya xba sjojkꞌobeyik xan te Jesuse.

Bible in Tzeltal Bachajón

⁴⁵ Pero ma ba c'oht ta yo'tanic te bin la yal, como macbil to yo'tanic scuenta yu'un ma ba ya sna'beyic scuentahil te bin la yal; soc la xi'ic sjoc'obeyel bin ut'il ay te c'ope.

San Lucas 9:45 Referans Kwoze

San Lucas 18:34

Ja'uc me to, xujt' ma la sna'ic stojol te bila la yale, yu'un ma chicanuc la yaiyic te bit'il c'oem swentaile. Jich ma ba c'ot ta yo'tanic.

San Juan 12:16

Ta xjajch'ibal te jnopojeletique ma ba la sna'beyic swentail te bila la yilic te c'ot ta pasele. Ja'uc me to, te c'alal ac'otix ta ilel yutsilal te Jesuse, jul ta yo'tanic te jich nix ts'ibubil jilel sc'oplale soc te jich nix c'ot ta pasel ta stojole.

San Lucas 2:50

Ja'uc me to, ma c'ot ta yo'tanic te bila albotic yu'une.

San Marcos 9:32

Ja'uc me to, te jnopojeletique ma la sna'ic stojol te bila la yale, soc la xi'ic te ya sjojc'obeyic xane.

San Juan 14:5

La yal te Tomase: —Cajwal, ma jna'tic te banti ya xbaate. ¿Bit'il c'an jna'tic te bee? —xi'.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Marcos 9:10

Jich te jnopojeletique la nax yac' ta yo'tanic te bila la yilique. Ja' nax jajch' sjojc'obey sbaic te bit'il ay a te ya xcha'cux tel ta bay animaetic te la yale.

San Mateo 16:22

Jich te Pedroe la yic' bael ta q'uejel te Jesuse, soc la yalbey: —Cajwal, ma me jichuc ya sc'an te Diose. Ma me jichuc ya xc'ot ta pasel ta awenta —la yut.

San Lucas 9:46

Te jnopojeletic yu'un te Jesuse, jajch' yalbey sbaic te mach'a muc' ya xc'ot yu'unic ta spisilique.

San Mateo 17:22

Te c'alal la sjoin xan sbaic ta beel ta sq'uinal Galilea, te Jesús jich la yalbey yaiyic te jnopojeletique: —Te Nich'anile ya me x'ac'ot ta sc'ab te ants-winiquetique.

San Juan 4:33

Te jnopojeletic la sjojc'obey sbaic: —¿Yu'un bal ay mach'a ac'botix swe'el yu'un? —xiic.