San Lucas 9:34 - Bible in Tzeltal de Oxchuc y Tenejapa

³⁴ Yac to ta yalel a, talic ta potsel yu'un te tocale. Xiw yo'tanic yu'un te bit'il ochic ta tocal la yilique.

Nuevo Testamento Tzeltal de Amatenango

³⁴ Yipal to ta yalel a, tal axintesek yuꞌun te tokale. La yilik te mukot ta tokale, la xiꞌ yuꞌun.

Bible in Tzeltal Bachajón

³⁴ Hich yac ta yalel a, talic ta potsel ta tocal; bayel xiwic yu'un te potsotic yu'un te tocale.

San Lucas 9:34 Referans Kwoze

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Daniel 10:8

Jtuquel ayon a te ac'boton quil la caiy te bila mero muc' sc'oplale. Mero ch'ay jch'ich'el soc jc'axel laj quip la caiy.

Isaías 19:1

J'alwanej c'op ta stojol Egipto: Ilawilic, ya xtal ta Egipto te Cajwaltique, cajal ta tocal ya xtal ta animal. Ya me xnijq'uic ta stojol te loc'ombaetic ta Egipto, te egipcioetic ya me xnoj bayal xiwel ta yo'tanic.

Jueces 13:22

Te Manoa jich la yalbey te yiname: —Ta mero melel ya xlajotic, melel la quiltic te Diose —xi'.

Jueces 6:22

Te Gedeón la sna' stojol te ja' te ch'ul abat yu'un te Cajwaltique. Jich la yal: —¡Ay, ja'at Cajwal! La quilbey jba sit soc te ch'ul abat awu'une —xi'.

San Lucas 9:33

Te c'alal yacaliquix ta bael a te cheb winiquetique, te Pedro la yal: —Maestro bin nax yutsil te li' ayotic to. Ja' lec jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi' te Pedroe. Yu'un ma la sna' te bila ya yal yu'une.

San Lucas 9:35

Ay mach'a c'opoj tel ta yolil tocal: —Ja' in to, ja' te Jnich'an te tsabil cu'une. Aiybeya awaiyic stojol sc'op stuquel —xi'.