San Lucas 9:32 - Bible in Tzeltal de Oxchuc y Tenejapa

³² Te Pedro soc te sjo'taque smasaset nax sitic yu'un swayelic. La swic' sitic yu'un. La yilic te xlemet nax yutsil xojobil te Jesuse soc te cheb winiquetic te sjoinej sba soque.

Nuevo Testamento Tzeltal de Amatenango

³² Te jPedroe sok te sjoꞌtake ben tentalanbil ta wayel. Kux yoꞌtanik yuꞌun, la yilik te xlemet stsaꞌamul xojobil te Jesuse sok te cheb winketik te soyinej sba soke.

Bible in Tzeltal Bachajón

³² Ay swayelic te Pedro soc te mach'atic sjoquinej, pero te c'alal wihc' sitic ta lec, la yilbeyic yutsilal te Jesús soc te cheb winiquetic te sjoc sba soque.

San Lucas 9:32 Referans Kwoze

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Daniel 8:18

Te c'alal yac sc'oponbelon a, laj quip, t'uxajon ta lum, pero la spicon, la yac' tejc'ajucon,

Daniel 10:9

Te la caiy c'opoje, ma'yuconix ta q'uinal la caiy, pajc'ajon bael ta lum yu'un.

2 Pedro 1:16

La cac'beyex anopic te bit'il ay yu'el te ya xcha'tal xan te Cajwaltic Jesucristoe. Ma ja'uc la calbeyex awaiyic jowil lo'laywanej c'op te ay lajel ta swentae, melel la quiltic ta jsitic soc smuc'ul yutsilal te Cajwaltique.

San Juan 17:24

“Jtat, te mach'atic awac'ojbone ya jc'an join ta bay ya x'ainon, swenta yu'un ya me yilbon te cutsilal awac'ojbon te bit'il c'uxon ta awo'tan te c'alal ma to xchicnaj a te balumilale.

Isaías 60:19

“Ma me xtuunix awu'un c'aal te ya xojobaje, soc te u te ya xojobaj ta ajc'ubale. Melel jo'on Awajwalon, ja' me ya xojobajon sbajt'el q'uinal; jo'on te Dioson awu'une, jo'on awutsilal ya xc'oone.

1 Juan 3:2

Ja'ex quermanotac te c'uxex ta co'tane, yal-snich'anotiquix te Diose. Ma to xnabaj te bi quileltic ya xc'ootique. Ja'uc me to, jna'ojtic stojol te pajal quileltic soc ya xc'ootic te Jesucristo te c'alal ya xchicnaj tele, melel stelemal ya quilbeytic sit.

San Marcos 14:40

Cha'tal xan ta bay te jnopojeletique. Ja' nanix jich wayajtic la sta, yu'un mero bayal te swayelique. Jich ma la sna'beyic sujt'esel te sc'ope.