San Lucas 9:3 - Bible in Tzeltal de Oxchuc y Tenejapa

³ Soc la yalbey yaiyic: —Ma me ayuc bila ya awich'ic bael, ni anabate'ic, ni achojaq'uic, ni awajic, ni ataq'uinic, soc ma me cha'lijc'uc ac'u'ic.

Nuevo Testamento Tzeltal de Amatenango

³ La yaltalanbe: —Ma me tut xꞌawichꞌik bael ta beel, ni anabateꞌik, ni amoralik, ni awotik, ni atakꞌinik, ni ajel-kꞌuꞌ-pakꞌik.

Bible in Tzeltal Bachajón

³ Hich la yalbe: Ma me ayuc bintic xawich'ic bahel ta be: anahbate', chojac', we'elil o taq'uin, soc ma me xawich'ic cha'lihc anahtil-c'u'ic.

San Lucas 9:3 Referans Kwoze

San Lucas 22:35

Te Jesús la sjojc'obey te jnopojeletique: —Te c'alal la jticunex bael, te ma ba la awich'ic yawil ataq'uinic, abolsaic, axanabic, ¿ay bal falta la awaiyic? —xi'. —Ma'yuc —xiic.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

2 Timoteo 2:4

Melel te mach'a ochem ta soldadoil, ma snujp'in teme ja' ya xbajt' ta yo'tan te bila swenta nax yat'el stuquele. Ja' ya sc'an ya spas te bila lec yo'tan yu'un te mach'a wentainbil yu'une.

San Lucas 12:22

Soc jich la yalbey xan te jnopojeletic yu'un te Jesuse: —Ja' swentail te ya calbeyex: Ma me ja'uc ya xbajt' ta awo'tanic te bit'il ya xcuxinex ta balumilale, jich bit'il te ya xwe'exe soc te ya ata ac'u'-apaq'uique.

San Lucas 3:11

La yal te Juane: —Te mach'a ay cha'lijc' sc'u' ya sc'an ya yac'bey lijc'uc te mach'a ma'yuc sc'u'e. Ja' nanix jich te mach'a ay swe'ele, ya sc'an ya yac'bey uuc te mach'a ma'yuc swe'ele —xi'.

San Lucas 12:28

Melel teme Dios la yac' te jich ay yutsilal te ja'mal nichimetic te jun nax c'aal cuxule soc te pajel ya yich' chiq'uel ta yawil c'ajq'ue, ¿yu'un bal ma c'axemuc to xan jich ya sc'u'ultesex te ja'exe? ¿Bistuc te ma'yuc xch'uunjel awo'tanique?

San Lucas 5:29

Patil te Leví la spas q'uin ta swenta Jesús. Jich la yic' tel ta we'el ta sna tsobol jc'an-patanetic soc yantic te pajal nacal ta mesa soc te Jesuse.

San Marcos 6:7

La yic' tel te lajchaytul jpuc-c'opetic yu'une. Che'cheb la sticun bael, soc la yac'bey bael tulan yat'el ta sloq'uesel te pucuje.

San Lucas 9:4

Te banti nailuc ya x'ochexe, ainanic tey a ja' to teme ya awijq'uitayic jilel te lume.