San Lucas 9:20 - Bible in Tzeltal de Oxchuc y Tenejapa

²⁰ Jojc'obotic yu'un uuc te Jesuse: —¿Ja' xan te ja'exe, mach'aon ta ac'opic uuc? —xi'. La yal te Pedroe: —Ja'at Cristoat yu'un te Diose —xi'.

Nuevo Testamento Tzeltal de Amatenango

²⁰ Te Jesus la sjojkꞌobe: —Jal tsꞌin te jaꞌexte, ¿Machꞌa ya akuyikon a? —xchi. La sjakꞌ te jPedroe: —Jaꞌat Cristoat yuꞌun te Diose —xchi.

Bible in Tzeltal Bachajón

²⁰ Hich joc'obotic xan yu'un te Jesús: ¿Haxan te ha'exe, mach'a yac acuyonic a? xchi. La sjac' te Pedro: Ha'at te Cristohat yu'un Dios, xchi.

San Lucas 9:20 Referans Kwoze

San Juan 7:41

Te yantique la yalic: —Ja'ix in to te Cristoe —xiic. Ja'uc me to, yan la yalic: —¡Bay xtal! ¿Ya bal c'an taluc ta sq'uinal Galilea te Cristoe?

San Juan 4:29

—La'ic, ila awilic jtul winic te la yalbon spisil te bila jpasoje. Teme repente ja'ix te Cristoe —xi'.

Hechos 17:3

Jamal la xcholbey yaiyic te bit'il puersa c'ax swocol te Cristoe, soc te bit'il laje, soc te bit'il cha'cux tele. Soc jich la yalbey yaiyic: —Te Jesús te ya calbeyex sc'oplale, ja'ix te Cristoe —xi' ta yalel.

Hechos 9:22

Ja'uc me to, te Saulo c'axem to xan la yich' yip yo'tan ta c'op. La yac' ta na'el ta jamal te ja' Cristo te Jesuse. Te judioetic te ainemic ta lum Damasco, ma la sna' te bi ya yalic yu'une.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 11:27

La yal te Martae: —Jich, Cajwal. Jch'uunej te ja'at Cristoat te Snich'anat Dios te talemat ta balumilale —xi'.

San Juan 4:42

Jich caj yalbeyic ts'iin te antse: —Ta ora to la jch'uuntiquix. Ma ja'uquix ta swenta te bila la awalbotic te ja'ate, melel jo'otic la caiytiquix stojol te sc'ope. Jich la jna'tiquix te melel nix a te ja'ix te Cristo te Jcoltaywanej yu'un spisil te mach'atic ayic ta balumilale —la yutic.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 1:41

Te Andrés ja' bajt' ta yo'tan sleel ta ora te sbanquile, ja' te Simone. Jich la yalbey: —La jtatiquix te Mesiase —xi' c'oel. Te Mesías te xie, Cristo, xi' c'oem.

San Marcos 8:29

Soc albotic yu'un uuc te Jesuse: —¿Jaxan te ja'exe, mach'aon ta ac'opic uuc? —xi'. La yal te Pedroe: —Ja'at Cristoat —xi'.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

Hechos 8:36

Te c'alal yacalic ta beele, ay ja' la staic. Jich la yal te eunucoe: —Ilawil, ay ja' li'to. ¿Ya bal xju' te ya quich' ja'e? —xi'. [

San Lucas 22:67

—Albotic caiytic: ¿ja'at bal te Cristoate? —la yutic. La yal te Jesuse: —Manchuc teme ya calbeyexe, ma yu'unuc ya ach'uunic.

San Marcos 14:61

Te Jesús jp'al ma c'opoj. Ma la sjac' xujt'uc. Jich te muc' sacerdote la sjojc'obey xan: —¿Ja'at bal Cristoat te Snich'anat Dios te jelawen yutsile? —la yut.

San Mateo 22:42

—¿Bi ya awalic yu'un te Cristoe? ¿Mach'a sts'umbal ya awaiyic? —xi'. La yalic: —Ja' sts'umbal te muc' ajwalil David —xiic.

San Mateo 5:47

Teme ja' nax ya apatbeyic yo'tan te awermanotaque, ¿banti lec xan a te bila ya apasique? ¿Yu'un bal ma jichuc ya spasic uuc te jyanlumetique?

San Mateo 26:63

Ja'uc me to, te Jesuse jp'al ma c'opoj. Jich yu'un te muc' sacerdote la yalbey xan: —Ya me awal ta melel ta stojol te cuxul Dios teme ja'at Cristoat te Snich'anat te Diose —la yut.

San Lucas 9:19

La yalic: —Ay mach'a ya yalic te ja'at te Juan te J'ac'-ich'ja'e. Te yane ya yalic te ja'at Eliasate. Soc ay yantic ya yalic te ja'at jtul namey q'uinal j'alwanejat yu'un Dios te cha'cuxemat tele —xiic.