San Lucas 9:12 - Bible in Tzeltal de Oxchuc y Tenejapa

¹² Te c'alal yaquix ta malel c'aal a, noptsajic tel ta stojol Jesús te lajchaytul jpuc-c'opetique. Jich la yalic: —Ticunaix bael te ants-winiquetic ta bay ch'in lumlumtic soc ta c'alc'altic te nopol ayique. Ac'a smajan snaic tey a, soc ac'a sle swe'elic tey a. Yu'un te banti ayotique, ma'yuc mach'a ay sna li'to —xiic.

Nuevo Testamento Tzeltal de Amatenango

¹² Te kꞌalal xmalubix kꞌaal aye, tijilajik tal te ba ay te Jesuse te lajchaytul jnopojeletike. Jich a yalik: —Tikonlanaix bael te genteetike yuꞌun aꞌ ba xkuxik, y aꞌ ba sleik tut ya sweꞌik te ba chꞌin kolonyaetike, y aꞌ ba smajanik na te ba tijil naxe. Yuꞌun te liꞌ ba ayotike, maꞌyuk na liye —xchiik.

Bible in Tzeltal Bachajón

¹² Tibilix ta bahel a, nohpojic tal te lahchaytuhl, hich la yalbeyic: Ticona bahel te ants-winiquetic, ac'a bahtuquic ta tut pueblohetic soc ta q'uinal ta sjoyobal yu'un yacuc smaj snahic soc yacuc sle swe'el yuch'elic, como jochol q'uinal ban ayotic, xchihic.

San Lucas 9:12 Referans Kwoze

San Mateo 15:23

Ja'uc me to, te Jesús ma la sjac'bey te sc'ope. Jich te jnopojeletique la yalbeyic te Jesuse: —Wocoluc, ticuna bael, yu'un bayal yac ta yawtaybelotic ta jpatic —xiic.

Oseas 13:5

Jo'on la jcanantayat ta lumq'uinal te xlemlon sc'aal ta jochol taquin q'uinale.

San Juan 6:1

Patil c'ax bael ta bay jejch' mar yu'un Galilea te Jesuse, ja' nix mar yu'un Tiberias.

San Mateo 15:32

Te Jesús la yic' tel te jnopojeletic yu'une. Jich la yalbey yaiyic: —Ya jna'bey yo'bolil sbaic in ants-winiquetic to, yu'un yoxebalix c'aal te sjoinejonic li'to, soc ma'yuc te swe'elique. Ma jc'an ya jticun bael ta snaic te bit'il ma'yuquix te swe'elique, teme repente ya xcom q'uinal yaiyic ta be —xi' te Jesuse.

Ezequiel 34:25

Ya me jpas trato soc te chijetic cu'une, swenta yu'un chapal me ya xjilic cu'un soc jun yo'tan ya xcuxinic. Ya me cac' ch'ayuc ta lumq'uinal te jti'awal chambalametique, swenta yu'un jich me jun yo'tan ya x'ainic a te chijetic cu'une. Ya me xju' ya xbajt'ic ta beel ta sjamalul q'uinal, soc asta ya xju' ya xwayic ta ye'tal ja'mal.

San Mateo 14:13

C'alal la yaiy stojol Jesús te bila c'otix ta pasele, och ta barco. Stuquel bajt' ta bay jochol q'uinal te q'uejel aye. In te ants-winiquetique la sna'ic stojol. Jich bayuc nax loq'uic tel ta spisil lumetic. Beenic bael ta yacanic tey a ta banti ya xc'ot ta loq'uel te Jesuse.

San Lucas 9:11

Te c'alal la sna'ic stojol te ants-winiquetique, la st'unic bael. Te Jesús la yic' ta stojol. La xcholbey yaiyic te bit'il ay ta ajwalinel te Diose, soc la slamantes te mach'atic ayic ta chamele.

San Lucas 9:13

Jesús la yal: —Ac'beya swe'elic te ja'exe —xi'. La yalic: —Ja' nax jo'pejch' waj quich'ojtic soc cha'cojt' chay. ¿Yu'un bal ya xba jmanbeytic swe'elic te in yipal ants-winiquetic to? —xiic.

Filipenses 1:19

Te melel jna'oj stojol te ya xcolon ta libre yu'un te bit'il ya ac'oponbonic Dios, soc te bit'il ya scoltayon te Espíritu yu'un te Jesucristoe.