San Lucas 8:7 - Bible in Tzeltal de Oxchuc y Tenejapa

⁷ Soc ay c'ot ta bay ch'ixtiquil. Pajal ch'i soc te ch'ixe, soc laj ta tenel yu'un.

Nuevo Testamento Tzeltal de Amatenango

⁷ Sok aya kꞌot ta chꞌixtikil te tsꞌunubile. Pajal a chꞌij tal sok te chꞌixe y tenot yuꞌun.

Bible in Tzeltal Bachajón

⁷ Ay c'oht ta yohl ch'ixileltic, pero tenot yu'un te ch'ix te pajal ch'ihy soc.

San Lucas 8:7 Referans Kwoze

Jeremías 4:3

Te Cajwaltic jich ya yalbey te ants-winiquetic ta Judá soc Jerusalén: —C'altayaic te q'uinal te ma c'altaybiluque; ma ba ya awaiyiquix ts'unbajel ta yolil ch'ixtiquil.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Marcos 4:7

Soc ay c'ot ta bay yolil ch'ixtiquil. Toy moel ta ch'iel te ch'ixetique. Jc'axel tenbil c'ot te awalile. Jich ma ba sitin.

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Mateo 13:7

Soc ay c'ot ta bay yolil ch'ixtiquil. Toy moel ta ch'iel te ch'ixetique. Jc'axel tenbil c'ot te awalile.

Génesis 3:18

Ya me x'esmaj ch'ixetic, ja' me ya alo'ic te boc-itaj te ya xch'i ta q'uinale.

San Lucas 8:6

Soc ay c'ot ta bay ba tontiquil. Ch'i te awalile, soc taquej ta ora, yu'un taquin te slumile.

San Lucas 8:8

Ja'uc me to, ay c'ot ta bay lequil lum te awalile. Te c'alal ch'ie, sitin ta lec. Ay la yac' jo'winic (100) ta jp'ij sit te juju-jpejt' awalile —xi' te Jesuse. Te bit'il jich yac ta yalel te Jesuse, la stoyes xan sc'op: —Te mach'a ay xchiquine, ac'a me yaiy stojol ta lec —xi'.