San Lucas 8:50 - Bible in Tzeltal de Oxchuc y Tenejapa

⁵⁰ Te Jesús la yaiy stojol soc jich la yalbey: —Ma me xiwat. Ja' nax me xach'uunon, jich me ya xcol te anich'ane —la yut.

Nuevo Testamento Tzeltal de Amatenango

⁵⁰ Te Jesuse la yaꞌibe sluwar y jich a yalbe: —Ma me xiꞌan. A me xchꞌuun awoꞌtan. Jich ya xkol te awantsil-nichꞌane —xyut.

Bible in Tzeltal Bachajón

⁵⁰ C'alal hich la ya'iy te Jesús, la yalbe te winic: Ma me xiwat; ha nax ch'uhuna, hich me ya xcol, xchi.

San Lucas 8:50 Referans Kwoze

San Juan 11:40

Te Jesús jich la yalbey: —¿Yu'un bal ma la calbat teme jc'axel ya ach'uune, ya me awilbey yutsilal te Diose? —xi'.

San Juan 11:25

Te Jesús la yalbey: —Jo'on cha'cuxelon soc jo'on cuxlejalon. Ja' te mach'a ya xch'uunone, teme ya xlaje, ya me xcha'cux tel.

San Marcos 5:36

Te Jesús la yaiy stojol te bi la yalique, soc jich la yalbey te jwolwanej yu'un te sinagogae: —Ma me xiwat. Ja' nax me xach'uunon —la yut.

San Lucas 8:48

Te Jesús la yalbey te antse: —Me'tic, ta swenta xch'uunjel awo'tan, jich colatix. Jun awo'tan baan —xi'.

Romanos 4:17

Jich bit'il ts'ibubil ta Sjun te Diose: “La cac'at ta tatil yu'un spisil nacionetic”, te xie. Ja' in to, ja' te Dios te la xch'uun te Abrahame, te ya yac' cuxinuc xan te animaetique soc te ya yac' chicnajuc te bila ma to chicanuque.

San Marcos 9:23

Te Jesús la yalbey: —¿Bi yu'un ma xju' cu'un ta ac'op? Spisil ya xju' ta pasel te mach'a jich xch'uunej te yo'tane —xi'.

Isaías 50:10

Ja'ex te ya awich'ic ta muc' te Cajwaltique soc te ya awaiybeyic stojol sc'op te yabate, teme ya xbeenex ta ijc' q'uinale, teme ma'yuc bay sacuben te q'uinale, ac'a smuc'ul awo'tan ta stojol te Cajwaltique; ipajanic me ta stojol te Dios awu'unique.

Romanos 4:20

Ma ba pejc'aj yo'tan yu'un. C'axem to xan la yich' yip xch'uunjel yo'tan yu'un te bila albot yu'un te Diose. Bin nax yo'tan la yalbey yutsilal Dios yu'un.

San Lucas 8:51

C'alal c'ot ta na te Jesuse, ma'yuc yantic la yic' ochel sjoin, ja' nax te Pedro, soc Jacobo, soc Juan, soc te sme'-stat te ach'ixe.